काठमाडौं । कोरोना भाइरसको संक्रमणबाट पछिल्लो २४ घण्टामा २४६ जनाको मृत्यु पुष्टि भएको छ ।
स्वास्थ्य तथा जनसंख्या मन्त्रालयका अनुसार सो अवधिमा थप ८ हजार१७३ जनामा कोरोना भाइरस संक्रमण पुष्टि भएको छ । मन्त्रालयका अनुसार पीसीआर विधिबाट ८ हजार ६४ जना र एन्टिजेन विधिबाट गरिएको परीक्षणमा १०९ गरी ८ हजार १७३ जना कोरोना संक्रमण पुष्टि भएको हो ।
कोरोना संक्रमणबाट एकै दिन मृत्यु हुने यो संख्या अहिलेसम्मकै उच्च रहेको मन्त्रालयले बताएको छ । यसैगरी विगत २४ घण्टामा कोरोना भाइरस संक्रमणमुक्त हुनेको संख्या भने ७ हजार ९८९ रहेको छ ।
यससँगै नेपालमा हालसम्म कोरोना संक्रमणबाट नेपालमा मृत्यु हुनेको संख्या ५ हजार ६५७ पुगेको छ। विगत २४ घण्टामा काठमाडौं उपत्यकामा थप २ हजार ४८६ जनामा कोरोना भाइरसका संक्रमित थपिएका छन्।
मन्त्रालयका प्रवक्ता डा जागेश्वर गौतमका अनुसार उपत्यकामा थपिएका मध्ये काठमाडौं जिल्लामा १ हजार ९८८ जना, ललितपुर जिल्लामा २७० जना र भक्तपुर जिल्लामा २२८ जनालाई कोरोना संक्रमण भएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
