माधव ज्ञवाली, गुल्मी । गुल्मीको छत्रकोट गाउँपालिकाले डेंगुको निःशुल्क परीक्षण सेवा सुरु गरेको छ । चिकित्सककाे सल्लाह अनुसार लक्षण देखिएका बिरामीहरुलाई निशुल्क परिक्षण सेवा सुरु गरिएको हो।
डेंगु सङ्गै स्क्रब टाइफस र मलेरियाका बिरामीहरुलाई समेत निशुल्क परिक्षण सेवा सुरु गरिएको गाउँपालिकाका स्वास्थ्य शाखा प्रमुख श्यामसुन्दर पोख्रेलले जानकारी दिए। यता गाउँपालिकाका प्रमुख प्रशासकीय अधिकृत वीर बाहादुर पुनले गाउँपालिका भित्र सिटामोल र किटको अभाव नभएको पनि जानकारी दिएका छन् ।
पछिल्लो समय देशभरि नै डेंगूका बिरामी बढेका छन् भने किट र सिटामोलको अभाव देखिएको छ । यस्तो महामारीको बेला अस्पतालहरुले परीक्षणको नाममा आफू खुसी शुल्क लिएको तर केन्द्रीय सरकार भने निरीह बनेको भन्दै चौतर्फी आलोचना हुने गरेकोमा गुल्मीको छत्रकोट गाउँपालिकाले भने जनतालाई महसुस हुने गरी काम गरेको देेेख्न सकिन्छ । केही समय पहिला गाउँपालिकाले डेंगू नियन्त्रण सम्बन्धी चेतनामुलक कार्यक्रम समेत गरेको थियो,छत्रकोटको यो कामलाई सबैले प्रशंसा गरेका छन्।
स्वास्थ्य क्षेत्रलाई पहिलो प्राथमिकतामा राखेर काम गरेका पालिका अध्यक्ष रामप्रसाद पाण्डेयले स्वास्थ्य क्षेत्रमा एकपछि अर्को निर्णय गर्दैआएका छन् ।
डेंगु, स्क्रब टाइफस र मलेरियाकाको निशुल्क परीक्षण मात्रै होइन उनले केहीदिन देखि सुगर परीक्षण समेत निःशुल्क गराएका छन् ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)