देवदह कोलिय सहकारी संस्थाको १७ औं साधारणसभा: देउराली सेवा केन्द्रको कार्यक्रम सम्पन्न

सेतोमसी
भाद्र २५, २०७९ शनिवार

देवदह कोलिय सहकारी संस्थाको १७ औं साधारणसभा: देउराली सेवा केन्द्रको कार्यक्रम सम्पन्न

अ +
अ
अ -

देवदह । देवदह कोलिय बचत तथा ऋण सहकारी संस्थाको १७ औं साधारण सभाको अन्तर्गत सेवा केन्द्र स्तरिय कार्यक्रम सम्पन्न भएको छ । शनिबार रुपन्देहीको तिलोत्तमा नगरपालिकास्थित संस्थाको देउराली सेवा केन्द्रको कार्यक्रम सम्पन्न भएको हो ।

कार्यक्रममा बोल्दै संस्थाका प्रमुख सल्लाहाकार ॠषि सापकोटाले पाउरोटी खानका लागि सुरुवात भएको सहकारी अहिले सवैको लागि एक, एकको लागि सवै सावित भएको बताए । सो क्रममा लुम्बिनी प्रदेश बचत संघका महासचिव समेत रहेका सापकोटाले बहुउद्धेशिय सहकारीमा रहेको विकृतिको रुपमा रहेको रकम संकलन गरी पलायन हुने प्रवृत्ति रोकिनु पर्नेमा उनले जोड दिएका थिए ।

देउराली सेवा केन्द्रका संयोजक तथा संस्थाका सदस्य पिताम्बर खरेलको अध्यक्षतामा भएको साधारण सभामा अध्यक्ष, महासचिव, कोषाध्यक्षको प्रतिवेदन पारित गरिएको थियो । उक्त साधारण सभाले ३० जना साधारण सभा प्रतिनिधी एवम निर्वाचन निर्देशिका पारित गरेको छ ।

देउराली सेवा केन्द्र व्यवस्थापन उपसमिति सदस्य राजुमान गुरुङको स्वागत तथा व्यवस्थापक बुद्धिसागर अर्यालको संचालनमा भएको कार्यक्रममा संस्थाका उपाध्यक्ष विष्णु प्रसाद पौडेल, कोषाध्यक्ष प्रजापति सापकोटा, जयकिसन अधिकारी, डिल्लीराज भण्डारी लगायतले मन्तब्य राखेका थिए ।