देवदह । साना किसान कृषि सहकारी संस्था लिमिटेड, देवदहले आफ्नो ३०औँ स्थापना दिवसको अवसरमा आयोजना गरेको निःशुल्क स्वास्थ्य शिविरबाट १३७ जनाले स्वास्थ्य सेवा लिएका छन् ।
संस्थाले सामाजिक उत्तरदायित्व अन्तर्गत बिहीबार देवदह–५ खैरेनीस्थित पाठक फुडल्याण्डमा सञ्चालन गरेको शिविरमा स्त्री तथा प्रसूति रोग, पाठेघरको मुखको क्यान्सर, आँखा तथा दाँत सम्बन्धी परीक्षण सेवा प्रदान गरिएको थियो ।
शिविरमा ८३ जनाको पाठेघर तथा स्त्रीरोग सम्बन्धी परीक्षण गरिएको छ भने ९० जनाले दाँत परीक्षण सेवा लिएका छन् । त्यसैगरी १२० जनाको आँखा परीक्षण गरिएको सहकारीले जनाएको छ ।
परीक्षणका क्रममा थप उपचार आवश्यक देखिएका १८ जना महिलालाई देवदह मेडिकल कलेजमा रिफर गरिएको छ । शिविरमा विशेषज्ञ चिकित्सक तथा स्वास्थ्यकर्मीको टोलीले सेवा प्रदान गरेको थियो ।
शिविर सञ्चालनका लागि देवदह मेडिकल कलेज, देवदह–८ भलुही र विजय डेन्टल होम, देवदह–५ खैरेनीले प्राविधिक सहयोग गरेका थिए ।
सहकारीले ३०औँ स्थापना दिवसका अवसरमा स्वास्थ्य शिविरसँगै विभिन्न सामाजिक तथा सामुदायिक कार्यक्रम सञ्चालन गरिरहेको जनाएको छ । स्थापना दिवसको मूल समारोह शुक्रबार आयोजना गरिने कार्यक्रम रहेको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
