साना किसान कृषि सहकारी देवदहको ३०औँ स्थापना दिवसमा निःशुल्क स्वास्थ्य शिविर हुने

सेतोमसी
जेठ २०, २०८३ बुधवार

साना किसान कृषि सहकारी देवदहको ३०औँ स्थापना दिवसमा निःशुल्क स्वास्थ्य शिविर हुने

अ +
अ
अ -

देवदह । साना किसान कृषि सहकारी संस्था, देवदहले आफ्नो ३०औँ स्थापना दिवसको अवसरमा निःशुल्क स्वास्थ्य शिविर आयोजना गर्ने भएको छ । संस्थाले स्थापना दिवसलाई सामाजिक उत्तरदायित्वसँग जोड्दै बिहिवार स्वास्थ्य शिविर सञ्चालन गर्न लागेको हो ।

बुधवार संस्थाको कार्यालयम पत्रकार भेटघाट गर्दै अध्यक्ष टिका न्यौपानेले स्वास्थ्य शिविरसहित विविध कार्यक्रम गरी स्थापना दिवस मनाइने बताइन् । शिविरमा स्त्री तथा प्रसूति रोग सम्बन्धी परीक्षण, पाठेघरको मुखको क्यान्सर परीक्षण, आँखा परीक्षण तथा दाँत परीक्षण सेवा निःशुल्क उपलब्ध गराइने सहकारीले जनाएको छ ।

शिविर देवदह–५, खैरेनीस्थित पाठक फुडल्याण्डमा बिहान १० बजेदेखि दिउँसो २ बजेसम्म सञ्चालन हुने संस्थाकी व्यवस्थापक सरला सुवेदीले जानकारी दिइन् ।

शिविर सञ्चालनका लागि देवदह मेडिकल कलेज, देवदह–८ भलुही र विजय डेन्टल होम, देवदह–५ खैरेनीले प्राविधिक सहयोग गर्ने संस्थाका उपाध्यक्ष ख्याम नारायण ढकालले बताए ।

स्थापना दिवसकै अवसरमा देवदहका १२ वटा सामुदायिक विद्यालयमा २४ वटा सिलिङ्ग पंखा वितरण समेत गरिने संस्थाले जनाएको छ ।

स्थापाना दिवसको तयारीको लागि बुधवार अन्तर समूह छलफल राखिएको र मूल समारोह विशेष कार्यक्रम शुक्रवार पाठक फुडल्याण्डमा संचालन हुने सहकारीले जनाएको छ ।