भैरहवा । जिल्ला मालपोत कार्यालय रूपन्देहीको राजस्व सङ्कलन चालु आर्थिक वर्षको फागुन मसान्तसम्म घटेको देखिएको छ । यसले पछिल्लो समय घरजग्गा कारोबारमा आएको सुस्तता र समग्र आर्थिक गतिविधिमा कमी आएको संकेत गरेको छ ।
कार्यालयका अनुसार आर्थिक वर्ष २०८१/८२ को फागुन मसान्तसम्म रु ८० करोड ९७ लाख ६४ हजार ९४० राजस्व सङ्कलन भएको थियो । तर चालु आर्थिक वर्ष २०८२/८३ को सोही अवधिमा यो रकम घटेर रु ७३ करोड ३९ लाख ३९ हजार ४६८ मा सीमित भएको छ ।
तथ्यांकअनुसार गत वर्षको सोही अवधिको तुलनामा चालु आर्थिक वर्षमा रु ७ करोड ५८ लाख २५ हजार ४७२ ले राजस्व असुली घटेको हो ।
कार्यालयकी लेखा अधिकृत सुजता पोखरेलले घरजग्गा खरिद–बिक्री, नामसारी तथा लिखत दर्ता जस्ता सेवामार्फत राजस्व सङ्कलन हुँदै आएको बताइन् । उनका अनुसार बजारको चलायमानता, आर्थिक गतिविधिको अवस्था र घरजग्गा कारोबारमा आउने उतार–चढावले राजस्वमा प्रत्यक्ष असर पार्ने गर्छ ।
चालु आर्थिक वर्षको बाँकी अवधिमा आर्थिक गतिविधि बढ्ने अपेक्षासहित राजस्व सङ्कलनमा सुधार आउने कार्यालयको विश्वास छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
