काठमाडौँ । भारतले न्यूजील्याण्डविरुद्धको एकदिवसीय सिरिजमा विजयी शुरुवात गरेको छ ।
गएराती सम्पन्न सिरिजको पहिलो खेलमा भारतले न्यूजील्याण्डलाई ४ विकेटले पराजित गरेर सिरिजमा विजयी शुरुवात गरेको हो । न्यूजील्याण्डले दिएको ३०१ रनको लक्ष्य पछाएको भारतले ४९ ओभरमा ६ विकेट गुमाएर लक्ष्य पुरा गरेको थियो ।
भारतको लागि विराट कोहलीले सर्बाधिक ९३ रन बनाए भने कप्तान शुभमन गिलले ५६, श्रेयस अय्यरले ४९ तथा केएल राहुल र वाशिंटन सुन्दरले २९-२९ रन बनाए । त्यस्तै न्यूजील्याण्डकाया बलर कील जामिएसनले ४ विकेट लिएका थिए ।
यसअघि टस हारेर पहिला ब्याटिंग गरेको न्यूजील्याण्डले ५० ओभरमा ८ विकेट गुमाएर ३०० रन बनाएको थियो । न्यूजील्याण्डको लागि डार्यल मिचेलले सर्बाधिक ८४ रन बनाएका थिए भने हेनरी निकोल्सले ६२ रन बनाएका थिए ।
यो जितपछि भारतले ३ खेलको सिरिजमा १-० को अग्रता बनाएको छ । अब सिरिजको दोस्रो खेल जनवरी १४ मा हुने छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
