काठमाडौँ । नेपाली राष्ट्रिय महिला क्रिकेट टिम मलेसियासँगको तेस्रो खेलमा हार बेहोरेको छ । आइतवार सम्पन्न सिरिजको तेस्रो खेलमा नेपाल मलेसियासँग १३ रनले पराजित भएको हो ।
मलेसियाले दिएको १२१ रनको लक्ष्य पछाएको नेपालले २० ओभरमा ८ विकेटले गुमाउँदै १०७ रन मात्र बनाएको थियो । नेपालको लागि रुबी पोदारले सर्वाधिक ३१ रन बनाइन् भने कप्तान इन्दू बर्मा २२ रन बनाएकी थिइन् ।
यसअघि टस जितेर ब्याटिङ गरेको मलेसियाले निर्धारित २० ओभरमा ४ विकेट गुमाउँदै १२० रन बनाएको थियो ।
यसअघि भएको पहिलो खेलमा नेपाल मलेसियासँग ३ रनले पराजित भएको थियो भने दोस्रो खेलमा नेपालले मलेसियालाई ६ विकेटले पराजित गरेको थियो । यो खेलपछि ५ खेलको सिरिजमा मलेसिया २-१ को अगाडी भएको छ । अब सिरिजको चौथो खेल खेल ७ अक्टोबर र पाँचौं खेल ८ अक्टोबरमा हुने तालिका रहेको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
