कृष्ण अन्जान, छत्रकाेट । तानसेन-रिडी-तम्घास माेटर बाटाेकाे नजिकै फराकिलाे ठाउँ । गुल्मी अर्घाखाँची, पाल्पा र बाग्लुङका डाँडा काँडाकाे दृष्यावलाेकन समेत गर्न पाउँदा मन प्रफुल्ल हुन्छ ।अझै त्यसै माथि छत्रकाेट देवालयकाे दर्शनले मनाेकाँक्षा पूरा हुन्छ ।

पछिल्लो चरणमा चाेएगाकाे छत्रकाेट देविस्थानलाइ आन्तरिक पर्यटकहरुलाइ तान्ने गरि विकास गरिँदै छ । सम्माे रमणीय र धार्मिक परिवेश लिएकाे चाेएगाकाे याे ठाउँ घुम्न देविकाे दर्शन गर्न र  बनभाेज खान आउँनेकाे  घुँइचाे लाग्ने गरेकाे छ ।

"विदाकाे दिन त खुट्टाे राख्ने ठाउँ हुँदैन बनभाेज  खान आउने धेरै समूह हुन्छन" छत्रकाेट देवालय मन्दिर व्यवस्थापन समितिका अध्यक्ष कृष्ण थापा भन्छन् ।

हुन पनि वरिपरि सल्लाका रुखहरुले रमणिय बनाएकाे त छ नै सँगै रहेकाे ठुलाे चौरमा बनभाेजका लागि जतिपनि ठाउँ छ र पानीकाे ओतका लागि चौेरमै टहराे समेत बनाइएकाे छ ।
बनभाेजका लागि आउनेहरुलाइ दाउरा पानी र भाँडाकुँडाकाे व्यवस्था छत्रकाेट देवालय मन्दिरले व्यवस्था गरेकाे छ ।

बनभाेजमा आउँने समुहसँग प्रति समूह ३ हजार ५ सय लिएर दाउरा भाँडा कुँडा पानी उपलब्ध गराउँछौ भने फाेहाेर व्यवस्थापनजाे खर्च पनि यहि रकमबाट हुने गरेकाे देवालय व्यवस्थापन समितिका अध्यक्ष कृष्ण थापाकाे भनाइ छ ।

तर दाउरा भाँडाकुँडा आफै ल्याउनेहरुका लागि भने लाग्ने शुल्कमा साेहि अनुसार घटाएर लिने गरेकाे थापाले बताए । यहि बनभाेजबाट उठ्ने रकम र मन्दिरको भेटिले मन्दिरकाे पुनर्संरचनासँगै दैनिक पुजा आजा भइरहेकाे छ ।

मन्दिर परिशरमा लुम्बिनी प्रदेशका सासँद कमलराज श्रेष्ठको पहलमा पौवा र मन्दिर व्यवस्थापन समितिकाे कार्यालय निर्माणकाे काम सम्पन्न भएकाे छ ।

छत्रकाेट देवालय मन्दिर परिशरमा क्षेत्र, राधाकृष्ण, पाँच पाण्डव, दुर्गा मन्दिर, गणेश मन्दिर रहेका छन ।

प्रसिद्ध छत्रदेवालय क्षेत्रमा देव देविकाे दर्शन, भाकल चढाउन र बलि दिन समेत धर्मावलम्वि आउने गर्दछन ।

दशैँमा घटस्थापनाका दिन देखि भक्तजनकाे घुँईचाे लाग्छ यहाँ । काेजाग्रत पुृर्णिमाकाे सराएँ नाच त नेपाल अधिराज्यकै प्रख्यात मानिन्छ ।

एकातिर देव देविकाे दर्शन र अर्काे तिर बनभाेजकाे कार्यक्रम सहित गुल्मीका ग्रामीण र बजार क्षेत्रमात्र हाेइन बुटवल र पाल्पाबाट यहाँ दर्शनार्थी र बनभाेज समुह आउने गरेकाे पाइन्छ ।