आइपिएल सिजन- १४

चेन्नईद्वारा मुम्बई २० रनले पराजित

सेतोमसी
आश्विन ४, २०७८ सोमवार

अ +
अ
अ -

एजेन्सी । इन्डियन प्रिमियर लिग (आइपिएल)मा चेन्नई सुपर किंग्सले मुम्बई इन्डियन्सलाई २० रनले पराजित गरेको छ ।

दुबई अन्तर्राष्ट्रिय क्रिकेट मैदानमा आइतबार राती भएको खेलमा टस जितेर पहिले ब्याटिङ गरेको चेन्नईले निर्धातिर २० ओभरमा ६ विकेट गुमाएर १५६ रन बनाएको थियो । तर मुम्बईले २० ओभरमा ८ विकेट गुमाएर १ सय ३६ रन मात्र बनाउन सक्यो ।

चेन्नईका रुतुराज गायकवाडले अविजित रहदै ८८ रनको पारी खेले । यस्तै रविन्द्र जडेजाले २६ रन जोड्दा ड्वाने ब्राभोले २३ रन बनाए । बलिङतर्फ मुम्बईका लागि ट्रेन्ट बोल्ट, आदम मिलेन र जस्प्रित भुम्राहले समान दुई–दुई विकेट लिए ।

मुम्बईका लागि सौरव तिवारीले ५० रनको अर्धशतकीय पारी खेले ४० बल खेलेका उनले ५ चौका प्रहार गरे । त्यस्तै मुम्बईका लागि क्विन्टन डीककले १७ रन जोडे ।
बलिङतर्फ चेन्नईका लागि डुइन ब्राबोले सर्वाधिक तीन विकेट लिए । त्यस्तै दीपक चहारले दुई विकेट लिँदा जोस हेजलहुड र शार्दुल ढाकुरले समान एक–एक विकेट लिए ।

कोभिडका कारण गत मे २ बाट स्थगित भएको प्रतियोगिता आइतबार बाट सुरु भएको हो । आइतबारको खेलमा जित निकालेसँगै चेन्नईले ८ खेलबाट १२ अंक जोडेको छ । चेन्नई तालिकाको शीर्ष स्थानमा रहेको छ । हारेको मुम्बई ८ अंक जोडेर तालिकाको चौथो स्थानमा छ ।