देवदह । वि. सं. २०६७ सालदेखि देवदह क्षेत्रमा क्रियाशील युगीन साहित्य समाजले आज देवदहमा विशेष रचनावाचन गर्दै छ । आफ्नो प्रस्तुतिका लागि लोकप्रिय गजलकार प्रदिप रोदनसहित श्रष्टाहरु देवदह आइपुगेको युगीनका अध्यक्ष सुशील सापकोटाले जानकारी दिए ।
"आज देवदह साहित्यमय हुनेछ । आफ्नो प्रस्तुतिको लागि श्रष्टाहरु देवदह आइपुग्नु भएको छ ।" सेतोमसीसंग कुरा गर्दै अध्यक्ष सापकोटाले भने "बिहान ११ बजेदेखि देवदह आदर्श बहुमुखी क्याम्पसमा रचनावाचन हुनेछ । श्रष्टाहरुले कविता, गजल र मुक्तक गरी २८ वटा रचनावाचन गर्नु हुनेछ ।"
कार्यक्रममा गजलकार रोदनसहित मुक्तककार डिआर न्यौपाने 'सुर्य', कवयित्री सन्ध्या भण्डारी, कवि छवि ज्ञवाली र कवि नारायण प्रसाद भण्डारीले रचनावाचन गर्ने कार्यक्रम छ ।
युगीन साहित्य समाजको आठौ वार्षिक साधारण सभा तथा तेस्रो अधिवेशनको अवसरमा आयोजित कार्यक्रममा साहित्यकार तुल्सी घिमिरे 'पुष्प' लाई युगीन साहित्य साधना सम्मानसमेत प्रदान गरिने र एक लाख ५० हजार राशीको अक्षयकोष स्थापनाको घोषणा समेत गरिने आयोजकले जनाएको छ ।
कार्यक्रममा युगीन साहित्य समाजका आजीवन सदस्यलाई प्रमाणपत्र वितरण वितरण गरिने र अधिवेशनले आगामी कार्यकालको लागि नयाँ नेतृत्व समेत निर्वाचित गर्ने छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
