सेतोमसी सहकर्मी
बुटवल । कोरोना संक्रमणबाट बुटवल र वीरगञ्जमा दुई जनाको मृत्यु भएको छ ।
बुटवलको कोरोना विशेष अस्थायी अस्पतालमा उपचाररत एक पुरुषको हिजो मृत्यु भएको हो ।मृत्यु हुनेमा पर्वतको पैयुँ–५ का ३८ वर्षीय पुरुष भएको अस्पतालका प्रवक्ता डा. विष्णु गौतमले जानकारी दिए । उनी हालै मात्र भारतबाट घर फर्केका थिए । १० दिनदेखि उच्च ज्वरोबाट पीडित उनमा ५ दिनअघिको स्वाब परीक्षणमा कोरोना संक्रमण पुष्टि भएको थियो ।
चैत २९ गते अस्पतालमा भर्ना भएका उनको बुधबार साँझ सवा ६ बजे मृत्यु भएको अस्पताले जनाएको छ ।
यस्तै, वीरगञ्जमा पनि अर्को एक जना संक्रमितको मृत्यु भएको छ । वीरगञ्ज–२ की ४२ वर्षीया महिलाको आज बिहान मृत्यु भएको हो ।
बिहीबार बिहान सवा आठ बजे आइसोलेसन वार्डको आइसियुमा उपचारकै क्रममा उनको मृत्यु भएको नारायणी अस्पतालका कोभिड संयोजक डा.सरोज रोशन दासले जानकारी दिए ।
सेतोमसी सहकर्मी
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)