पत्रकार महासंघका कार्यबाहक अध्यक्ष विष्टले दिए राजीनामा

सेतोमसी
आश्विन ४, २०८१ शुक्रवार

पत्रकार महासंघका कार्यबाहक अध्यक्ष विष्टले दिए राजीनामा

अ +
अ
अ -

काठमाडौं । नेपाल पत्रकार महासंघका कार्यबाहक अध्यक्ष रमेश विष्टले राजीनामा दिएका छन् । सदस्यता शुद्धीकरणमा देखिएको जटिलताबाट निर्वाचन सम्पन्न हुन नसक्ने जनाउँदै विष्टले राजीनामा दिएका हुन् ।

यसअघि महासंघका अध्यक्ष पदबाट विपुल पोखरेलले राजीनामा दिएका थिए । पोखरेलले राजिनामा दिएसंगै कार्यवाहक अध्यक्ष बनेका विष्टले महासंघका उपाध्यक्ष बाला अधिकारी र महासचिव रोशन पुरीलाई राजिनामाको बोदार्थ दिएका छन्।

नेपाल पत्रकार महासंघको नयाँ नेतृत्व चयनका लागि यही असोज १२ गते मतदान गर्ने कार्यतालिका थियो । त्यसका लागि उम्मेदवारको मनोनयन दर्ता असोज ४ गते (आज) निर्धारण गरिए पनि विवादका कारण महासंघको नयाँ नेतृत्व चयन अनिश्चित बनेको छ ।

उनले महासंघको विधि विधान र संरचनालाई लत्याएर पत्रकारिता नगरेका र फारम नभरेका करिब ४ सय व्‍यक्तिलाई सदस्यता दिएको असन्तुष्टि जनाउँदै राजीनामा दिएको विज्ञप्तिमा उल्लेख गरेका छन्।

कार्यवाहक अध्यक्ष विष्टले विहीबार महासंघको केन्द्रीय निर्वाचन समितिलाई पत्र पठाउँदै आसन्न निर्वाचनका कार्यक्रम हाललाई स्थगित गर्न अनुरोध गरेका थिए । उनको पत्रपछि केन्द्रीय निर्वाचन समितिले निर्वाचन कार्यक्रम अनिश्चितकालका लागि स्थगित गरिएको जनाएको छ ।