आफन्त सहकारीद्वारा रक्तदान

सेतोमसी
श्रावण ३०, २०८१ बुधवार

अ +
अ
अ -

देवदह । आफन्त सहकारी संस्था लिमिटेडले रक्तदान कार्यक्रम सम्पन्न गरेको छ ।

देवदह नगरपालिका वडा न ११ शंकरपुर केन्द्रीय कार्यालय रहेको आफन्त सहकारीले धकधई सेवाकेन्द्र स्थापना दिवसको अवसरमा मङ्गलबार रक्तदान कार्यक्रम सम्पन्न गरेको संस्थाका अध्यक्ष गणेश सापकोटाले बताए।

त्यस्तै सहकारीले प्रत्येक वर्ष स्वास्थ्य सम्बन्धी विभिन्न सामाजिक कार्यक्रम समेत गर्दै आइरहेको उनको भनाई छ ।

कार्यक्रममा बोल्दै रोहिणी गाउँपालिका वडा नं ३ का वडा अध्यक्ष वीर बहादुर क्षेत्रीले संस्थाले गर्दै आएको सामाजिक क्रियाकलाप निकै सहरनिय रहेको बताए।

कार्यक्रममा ३६ पोइन्ट रगत सङ्कलन भएको थियो।

धकधई सेवाकेन्द्र उपसमिति सदस्य सिद्दिक मोहम्मदको स्वागत मन्तव्यमा भएको कार्यक्रममा नेपाल रेडक्रस सोसाइटी रोहिणी उपशाखाका सभापति अनिल कुमार कौसल, केन्द्रीय कार्यालयका व्यवस्थापक विजय क्षेत्री लगयतको उपस्थिति रहेको थियो।

वि. स. २०६८ सालमा देवदहको शंकरपुरमा केन्द्रिय कार्यालयको रूपमा स्थापना भएको यस सहकारी संस्थाले प्रत्येक वर्ष स्वास्थ्य सम्बन्धी विभिन्न सामाजिक कार्यक्रम गर्दै आइरहेको छ।