देवदह । रूपन्देहीको देवदहमा एकैरातमा दुईवटा मोटरसाइकल चोरी भएका छन् । देवदह- ३ सुरजपुरा र देवदह-५ बाट एक-एक वटा मोटरसाइकल चोरी भएको रिपोर्ट प्रहरी चौकीमा दर्ता भएको देवदह प्रहरी चौकीका इञ्चार्ज डाक्टर प्रसाद चौधरीले जानकारी दिए ।
गत राति देवदह- ३ का सुबास गिरीको लु ६६ प् ७७९५ नम्बरको मोटरसाइकल र देवदह-५ का प्रेम डुम्रेको लु ४५ प ६२४७ नम्बरको मोटरसाइकल चोरी भएको प्रहरीले जनाएको छ ।
मोटरसाइकल चोरी भएकोबारे सेतोमसीसंग कुरा गर्दै देवदह- ३ का सुवास गिरीले रातको २ बजेसम्म बाइक सुरक्षित नै रहेको भएपनि बिहान उठ्दा बाइक चोरी भएको बताए ।
जिल्ला प्रहरी कार्यालयले चोरी भएका बाइक खोज्न घरघरै पुग्ने अभियान चलाईरहदा देवदहमा भने दशैं यता ८ वटा मोटरसाइकल र स्कुटर चोरी भएका छन् । जसमध्ये एउटा स्कुटर भने प्रहरी फेला पार्न सफल भएको छ ।
चोरीमा ठुलै गिरोह संलग्न भएको हुनसक्ने प्रहरीको अनुमान छ । केही समयअघि देवदहबाटै चोरीमा संलग्न गिरोहको सदस्य दावी गर्दै एकजनालाई प्रहरी पक्राउ गरेपनि चोरीका घटनामा कमी नआउँदा स्थानीयहरू त्रसित छन् ।
प्रहरीले गेट नभएको घरको पेटीमा मोटरसाइकल र स्कुटर राख्दा ह्विल लक गर्न सुझाउँदै आएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
