गुल्मी। बिहानै देखि सडकमा स्काभेटर, डोजर लगाइएका छन्, निर्माण कार्य जोडतोडले चलिरहँदा सडकको सहज आवागमनमा यतिबेला यात्रुहरूले असहज महसुस गरिरहेका छन ।

सावरी र ढुवानीका साधनहरू अत्यधिक चल्ने तानसेन, रिडी  र  तम्घास माेटरबाटाेकाे कहिले जाेर्तेकाे उकालो कहिले मालमुल लगायतका क्षेत्रमा सडक निर्माणका कामहरुले घण्टौँ सम्म सडक आवागमन असहज भएको र आम सर्वसाधारणलाई यात्रामा पट्यार लाग्दाे अवस्था देखापर्याे ।

याे क्षेत्रमा सडक निर्माण गरिरहँदा वैकल्पिक मार्गको रुपमा जाेर्ते, लुहुँग र चण्डिभञ्ज्याङ सडक खण्डको जाेर्ते लुहुँग खण्ड ठाडै उकालो र एउटा मात्र गाडि चल्न सक्ने हुँदा वैकल्पिक सडकको रुपमा प्रयोग गर्ने यो सडकको यथाशीघ्र स्तरोन्नति भयाे भने तानसेन रिडी तम्घास माेटरबाटाेकाे वैकल्पिक मार्ग बन्न सक्ने देखिन्छ ।

यसैगरी यतिबेला तानसेन रिडी तम्घास सडककाे रिडी भेँडुवा क्षेत्रको काम भईरहेकाे र त्यसमा पनि थोर्गाको ठुलढुँगा क्षेत्रमा काम भइरहँदा बेलाबेलामा हुने सडक अवरुद्धको अवस्थाले यात्रुहरूलाई यात्रामा कठिनाइ देखिएको छ ।

सडक कतिबेला खुल्छ कतिबेला बन्द हुन्छ पत्तै हुँदैन । त्यसाेत सडक बन्द हुने र खुल्ने समय निर्माण कम्पनीले सार्वजनिक गरेका छन तर मौसम र सडकको अवस्थाले त्यो भरपर्दो छैन ।

तानसेन रिडी तम्घास माेटरबाटाेकाे ठुलढुँगा क्षेत्रमा सडक निर्माण भइरहँदा याे क्षेत्रबाट चल्ने सवारी र ढुवानीका साधनहरुलाई पानीटँकी स्यालपाेखरी हुँदै सालबिसाउनामा तानसेन रिडी तम्घासकाे मुल सडकमा निस्कने गरि बैकल्पिक मार्गकाे रुपमा प्रयाेग गरिए पनि याे सडककाे कहिले माझगाउँ खण्ड त कहिले च्यूरेक खण्डमा निर्माण कार्य भईरहँदा याे सडक पनि अवरुद्ध बन्छ । यतिबेला च्यूरेक खण्डमा सडक ढलान भईरहेकाले याे सडकलाई प्रयोग गर्ने सवारी र ढुवानीका साधन पानीटँकीबाट स्यालपाेखरी आउने र स्यालपाेखरीबाट माेडिएर फलाँटे पुगी मुल सडकमा जाने गरेका छन भने मूल सडकबाट फलाँटे स्यालपाेखरी हुँदै पानीटँकीमा मुल सडकमा निस्कने गरेका छन्  ।

सडकहरुलाई वैकल्पिक रुपमा प्रयोग गर्दा पनि नयाँ बन्दै गरेका सडकहरूमा कतै पहिरो जाने कतै ढुँगा झर्ने कतै सडक खाेलेर गाडी चलाउनै नमिल्ने अवस्था देखिएको छ ।

गन्तव्यमा पुग्नकालागि हिँडेका सवारी साधनहरूलाई सडक अवरुद्ध हुँदा वैकल्पिक सडक खोज्ने चिन्ताले सताई रहेको पाईएकाे छ ।