बुटवल । लुम्बिनी प्रदेशका सभामुख तुलाराम घर्ती मगरले स्थानीय तहका जनप्रतिनिधिहरु अझै जवाफदेही र जनमैत्री हुनुपर्ने बताएका छन्।
मंगलबार रिब्दीकोट गाउँपालिका गाउँसभाको १३ औं अधिवेशनलाई सम्बोधन गर्दै सभामुख घर्ती मगरले स्थानीय तह जनताको घर दैलोको सरकार भएकाले जनप्रतिनिधिहरुको जिम्मेवारी बढी हुने बताए ।
"कानुन तथा नीतिनिर्मातामा समस्या भए भन्नू पर्यो, कानुनको अभाव देखाएर जनताको न्यायोचित काम नगर्ने छुट कसैलाई छैन ।" उनले भने, जनप्रतिनिधिहरुलाई कानुनी शिक्षा दिन र कार्यान्वयनमा आएका ऐन कानुनको जटिलताको हल गर्न प्रदेश सभा सधै तत्पर छ।"

स्थानीय तह र प्रदेश सभालाई कार्यक्रम मार्फत जोडने प्रयास सुरु गरिएको जानकारी दिंदै उनले लुम्बिनी प्रदेशका १२ जिल्लाका १०९ वटा पालिकामा प्रदेश सभा प्रत्यक्ष रुपमा जोडिने बताए।
Copyright © All right reserved to setomasi.com
Site By: SobizTrend Technology