गौतम बुद्धको जीवनीमा आधारित चलचित्र निर्माण गर्न लुम्बिनीमा ३ दिने कार्याशाला

सेतोमसी
चैत्र १७, २०७९ शुक्रवार

गौतम बुद्धको जीवनीमा आधारित चलचित्र निर्माण गर्न लुम्बिनीमा ३ दिने कार्याशाला

अ +
अ
अ -

बुटवल । गौतम बुद्धको जीवनी र दर्शन संगत रहेर "जीवनीमा चलचित्र निर्माण अन्तराष्ट्रिय बजार तथा पर्यटन प्रवर्द्धन" विषयक ३ दिने कार्यशाला शुक्रबारदेखि रुपन्देहीमा सुरु भएको छ । चन्द्रसूर्य सिनेमाको आयोजना तथा रुपन्देही चलचित्र पत्रकार संघको सहकार्यमा लुम्बिनीमा हुने कार्यशालाको उद्घाटन गर्दै सूचना तथा सञ्चार मन्त्री रेखा शर्माले लुम्बिनीसँग जोडेर चलचित्र क्षेत्रको माध्यमबाट विकास र प्रवर्द्धन गर्ने कुरा सकारात्मक भएको उल्लेख गरिन् ।

ऐतिहासिक तथा पर्यटकीय स्थलहरुको प्रचार र प्रवर्द्धन गर्ने कुरा आफैमा सकारात्मक कुरा भएपनि उत्तिकै सजक र चनाखो समेत हुनु पर्ने आवश्यकता औंल्याइन । नेपाली चलचित्र क्षेत्रको बिकास र समस्या समाधानका लागि हाल मौज्दात रहेको कानून प्रयाप्त नरहेको उल्लेख गर्दै मन्त्री शर्माले नयाँ कानून निर्माणको आवश्यकता औल्याइन ।

यसैगरी चलचित्र बिकास बोर्डका अध्यक्ष भुवन केसीले प्रयाप्त अधिकारको अभावमा आफूले चाहेर पनि नेपाली चलचित्रको क्षेत्रमा अपेक्षित प्रगती गर्न नसकेको गुनासो गरेका छन् । बाहिरबाट हेर्दा बिकास बोर्डले काम गर्न नसकेको देखिए पनि काम गर्नका लागि प्रयाप्त अधिकार प्राप्त नहुनुनै वास्तविकता रहेको उनले उल्लेख गरे ।

यसैगरी पूर्व मन्त्री तथा लुम्बिनी प्रदेशका सदस्य सन्तोष पाण्डेय, सिद्धार्थानगर नगरपालिकाका प्रमुख मोहम्मत इस्तियाक खाँ लगायतले बोल्दै चलचित्र क्षेत्रको माध्यमबाट शान्ति भूमि गौतमबुद्धको जन्मस्थल लुम्बिनीलाई परिचित गराउने अभियानलाई कार्यशालाले टेवा पुग्ने विश्वास व्यक्त गरे ।