गुल्मीको मुसिकाेटमा आँखा शिविर : २ बर्ष देखि दुबै आँखा नदेख्ने ५ जनाकाे सफल अपरेसन

सुमन महतरा
फाल्गुण १६, २०७९ मंगलवार

गुल्मीको मुसिकाेटमा आँखा शिविर : २ बर्ष देखि दुबै आँखा नदेख्ने ५ जनाकाे सफल अपरेसन

अ +
अ
अ -

सुमन महतारा गुल्मी । गुल्मीको मुसिकाेट नगरपालिकाकाे व्यावस्थापकिय सहयोग र नेपाल नेत्रज्योति संघ आँखा उपचार तथा सर्जिकल सेन्टर तम्घास गुल्मीको आयोजनामा २ दिने निशुल्क आँखा सिविर सम्पन्न भएको छ ।

मुसिकोट नगपालिकाको व्यवस्थापकीय सहयोगमा श्री कृष्णहरी रुद्रावती सापकाेटा आँखा उपचार केन्द्र वामीमा संचालित आँखा अपरेशन शिविरमा २५१ जनाको आँखा जाँच गरिएको छ । जाँच गरिएका ६१ जना बिरामीहरूको मोतिया बिन्दुको निशुल्क शल्यक्रिय गरिएको छ । शिविरमा विगत २ वर्ष देखि दुवै आँखा नदेख्ने ५ जना विरामीहरुको दुवै आँखाको शल्यक्रिया सफलता पूर्वक जिल्लामै पहिलो पटक गरिएको नेपाल नेत्र ज्याेति संग आँखा उपचार केन्द्र गुल्मीका प्रमुख सुर्य बस्नेतले बताएका छन् ।

कार्यक्रममा मुसिकाेट नगरपालिका प्रमुख जीवन खरेलले मुसिकाेटका नागरिककाे स्वास्थ्य प्रती आफू सधैं सकारात्मक र जनताको स्वास्थ्य जस्तो संवेदनशील कुरामा सधैं लागिरहने बताएका छन् । त्यस्तै आँखा अपरेसन शिविरमा खटिएका डा.सुचन पुनले २ बर्ष देखि दुबै आँखा नदेख्ने बिरामीको जिल्लामै अपरेसन गरेर सफल भएको खुसि व्याक्त गरे ।