२८ जेठ काठमाडौ । पतञ्जलीले उत्पादन गरेको ‘कोरोनाको औषधि’ वितरणमा नेपालले रोक लगाएको छ । योगगुरु बाबा रामदेबको पतञ्जलीले ‘उपहार’स्वरुप भन्दै नेपालमा १६ सय कोरोनिल किट पठाएको थियो ।
आयुर्वेद तथा वैकल्पिक औषधि विभागले पतञ्जलीको तर्फबाट पठाइएका ती कोरोनिल किट वितरणमा रोक लगाएको हो । किट प्राप्त भएपछि उक्त किटको जाँचको लागि आयुर्वेद विभागलाई अनुरोध भइआएकोमा यसको जाँच गरी यो आयुर्वेदिक औषधि भएको तर यसले कोरोना निको नै पार्छ भन्ने कुरा पुष्टि गर्न नसकिने विभागका विशेषज्ञले बताएका थिए । तर रामदेवले कोरोना निको पार्ने दाबी गरेका छन ।
कोरोनिल किटलाई आधिकारिक रुपमा प्रतिबन्ध लगाइएको भने होइन । पतञ्जलीले यो किट नेपाल पठाउँदा औषधि व्यवस्था विभागबाट समेत अनुमति लिएको थिएन । यसलाई आयात गर्दा प्रक्रिया नपुगेको र यसले कोरोना निको पार्छ नै भन्ने पर्याप्त प्रमाण नभएका कारण यसलाई तत्कालको लागि प्रयोगमा रोक लगाइएको विभागको भनाइ छ ।
इन्डियन मेडिकल एसोसिएसनले यसको प्रभावकारिता पुष्टि गर्न आग्रह गरे पनि पतञ्जलीले यसको प्रभावकारिता अहिले सम्म पुष्टि गर्न सकेको छैन । उक्त औषधि कोरोनिललाई आइएमएले स्वीकृति समेत दिएको छैन ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
