सेतोमसी सहकर्मी
चैत्र २३, काठमाडौं । कोभिड १९ को नयाँ भेरियन्ट फैलिने आशंकामा काठमाडौं उपत्यकामा सार्वजनिक स्थलमा कार्यक्रम गर्न प्रतिबन्ध लगाएको छ । कोभिड संकट व्यवस्थापन केन्द्र (डीसीसीएमसी) ले सार्वजनिक स्थलमा गरिने कार्यक्रमलाई स्थगित गर्न निर्देशन दिएको हो ।
डीसीसीएमसीको सोमबार बसेको बैठकले जिल्ला प्रवेश गर्ने नाकाहरुमा स्वास्थ्य जाँच र एन्टीजेन परीक्षण गर्न आवश्यक हेल्थ डेस्कको व्यवस्था गर्न पनि मातहतका नगरपालिकालाई निर्देशन दिएको छ । एन्टीजेनमा पोजेटिभ देखिएकालाई पीसीआर परीक्षणका लागि स्वाब पठाउन पनि निर्देशन दिइएको छ ।
सबै महानगरपालिका तथा नगरपालिकामा संचालित आइसोलेसन र क्वारेन्टिन सेन्टरलाई अद्यावधिक राख्न पनि बैठकले निर्देशन दिएको छ ।
यस्तै नगरपालिकाभित्र एक-एक वटा आइसोलेसन र क्वारेन्टिनको संचालन तथा व्यवस्थापन गर्नपनि भनिएको छ । स्वास्थ्य मापदण्ड पालना नगर्ने निकाय हरु लाई दण्ड एवं जरिवाना गर्ने निर्णय पनि बैठकले गरेको छ ।
सेतोमसी सहकर्मी
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
