रुपन्देही सामाजिक संजाल अस्ट्रेलियाद्वारा मर्चवारमा न्यानो कपडा सहित शैक्षिक सामाग्री बितरण

सेतोमसी
पौष २३, २०७९ शनिवार

रुपन्देही सामाजिक संजाल अस्ट्रेलियाद्वारा मर्चवारमा न्यानो कपडा सहित शैक्षिक सामाग्री बितरण

अ +
अ
अ -

बुटवल । रुपन्देही सामाजिक संजाल अस्ट्रेलियाले रुपन्देहीको मर्चवारका बिपन्न, अनाथ, असाहय तथा सीमान्तकृत समुदायका बालबालिकालाई न्यानो कपडा सहित शैक्षिक सामाग्री बितरण गरेको छ । संजालले सनिवार अमुवामा एक कार्यक्रम गरि रायपुर बगौलि सिलौ िटयाका बालबालिकाहरुलाई सामाग्री बितरण गरेको हो ।

लुम्बिनी प्रदेश सभा सदस्य कन्हैया बनिया, वडा नम्बर २ का अध्यक्ष शसिदयाल चौधरी वडा नम्बर ४ का अध्यक्ष ओम प्रकाश चौधरी वडा नम्बर ७ का अध्यक्ष गनेश चौधरीको रोहबरमा संजालका अध्यक्ष मुक्तिराम पोख्रेल संस्थाका सल्लाहकार कमल प्रसाद भण्डारीले सामाग्री बितरण गरेका हुन ।

कार्यक्रममा प्रदेश सभा सदस्य कन्हैया बनियाँले अस्ट्रेलियाबाट मर्चवारलाई माया गरेर आएकोकोमा धन्यवाद दिदै यस्ले बालबालिकाको अध्ययनमा सहयोग पुग्ने बिश्वास व्यक्त गरे । सो क्रममा जिल्ला समन्वय समिति रुपन्देहीका सदस्य राजमन प्रसाद हरिजन, बगौलि माबिका प्रधानाध्यापक चन्द्रमणि चौधरी , वडा अध्यक्ष गनेस चौधरी, र ओम प्रकाश चौधरी, जनता मा.बि. ओडवलियाका शिक्षक सन्तराम गुप्ता, अमवा मा.बि.का शिक्षक रामप्रीत चौहान लगायतले संजालले सहयोग गरेकोमा धन्यवाद दिए ।

संजालका अध्यक्ष पोख्रेलले आफुले बिगतमा मर्चवारमा समाजिक क्षेत्रमा काम गर्दाको सम्झना आएकोले केहि सहयोग गर्न पाउदा खुसी लागेको बताए । यस्तो कार्यक्रमलाई निरन्तरता दिने उनको भनाई छ ।

संजालले रुपन्देहीका १५० जना बिपन्न, अनाथ, असाहय तथा सीमान्तकृत समुदायका बालबालिकालाई न्यानो कपडा सहित शैक्षिक सामाग्री बितरण गर्न लागेको अध्यक्ष पोख्रेलले जानकारी दिए । कार्यक्रमको संचालन कमलेश प्रसाद चौधरीले गरेका थिए।