पाल्पा  । अर्गली त्यसै पनि पाल्पा जिल्लाकै कृषिकाे हवकाे रुपमा परिचित छ । फाँटैभरि मौसम अनुसारका बालि त उत्पादन हुन्छन नै घरघरमा तरकारी उत्पादन गरेर नजिकैकाे रिडीबजार र तानसेनसम्म यहाँको तरकारी पुग्छ ।

शनिवार तानसेन नगरपालीका वडा न १४ अर्गलीकाे महौल अलि फरक थियाे । अर्गलीमा पहिलो पटक आयाेजना भएकाे आलु महाेत्सवले शनिवार दिनै भरि अर्गलीकाे माहौल तातेकाे थियाे ।

तानसेन नगरपालिकाका प्रमुख सन्ताेष लाल श्रेष्ठले आलु महाेत्सव आफैमा किसानका लागि प्रभावकारी भएकाे र तानसेन नगरपालिकाले याे क्षेत्रकाे कृषिकाे व्यवसायीक प्रवर्द्धनमा कुनै कसर बाँकि नराख्ने उदघाेष महाेत्सव उदघाटनका क्रममा गरे ।

महाेत्सव त अनेक हुन्छन तर किसानलाई लक्षित गरि अर्गलीमा पहिलोपटक अर्गली आलु महाेत्सवकाे आयाेजना भयाे जुन फरक खालकाे अनुभुति थियाे ।
त्यसाे त कास्की जिल्लाकाे पाेखरा महानगर पालिका वडा न २५ हेम्जामा हरेक वर्ष फागुन चैत्र तिर नेपालकै सबैभन्दा ठुलाे आलु महाेत्सव लाग्छ र विशाल आलुका पहाड हरुकाे बिक्री बितरण हुन्छ त्यस्तै नभएपनि आलु खेतिलाई प्रबर्द्धन गर्नका लागि र किसानलाई आलु खेति बारे जानकारी दिन याे महाेत्सवकाे आयाेजना गरिएकाे तानसेन नगरपालिका वडा न १४ अर्गलीका वडाध्यक्ष शाेभाखर भट्टराईले बताए ।

तानसेन  नगरपालिका  तथा  एकिकृत  हरित   जिविकाे  पार्जन  सहयोग  परियोजना  रेडाकाे सहकार्यमा भएकाे याे महाेत्सव   किसानले उत्पादन  गरेका  कृषि  उपजहरुलाई  बजारिकरण गर्दै  किसानलाई  किसानलाई प्राेत्साहन गर्नुका साथै  स्थानिय कला सस्कृति  र आलुका बिभिन्न परिकार लाई  पारखिमाझ पस्किन यस प्रकारका महाेत्सव फलदायि हुने रेडाका निर्देशक   लिला बहादुर कार्किकाे भनाई छ ।

महोत्सवमा तानसेन नगरपालिका,  रिव्दीकोट गाउँपालिका, रुरुक्षेत्र  गाउँपालिकाका अध्यक्ष  तथा प्रतिनिधिहरु एवं राजनैतिक  दलका  प्रमुखसहित स्थानिय सर्वसाधारणकाे ठुलै भिडभाड थियाे ।

महोत्सव  स्टलमा पाल्पाली चुकौनी,  आलुका पकौडा, आलुको खिर , आलु फ्राइ,  तरुल, स्थानीय चामलकाे पिठाेकाे सेलरोटीकाे स्वाद चखाईएकाे थियाे। 
 
सो अबसरमा विभिन्न कृषक समुहलाई  सम्मान  समेत गरिएको  थियो।