अक्सिजन प्लान्ट अभियानद्धारा गुल्मी अस्पताललाई ३ थान अक्सिजन कन्सन्टेटर प्रदान

सेतोमसी सहकर्मी

अक्सिजन प्लान्ट अभियानद्धारा गुल्मी अस्पताललाई ३ थान अक्सिजन कन्सन्टेटर प्रदान

अ +
अ
अ -

जेष्ठ १२ गुल्मी, सूर्य सुनार
नेपाल पत्रकार महासंघको अक्सिजन प्लान्ट अभियानमा गुल्मी अस्पताललाई अक्सिजन कन्सन्टेटर प्रदान गरिएको छ । डाफे फाउन्डेसन र नेपाल क्रिटिकल केयर डेभलपमेन्टले गुल्मी अस्पताललाई ३ थान अक्सिजन कन्सन्टेटर सहयोग गरेको हो । अक्सिजन कन्सन्टेटर गुल्मी अस्पताललाई प्रदान गर्ने लक्ष्मण भुसालले समन्वय र सहजीकरण गरेको थिए ।

प्रमुख जिल्ला अधिकारी रुद्रादेवी शर्माले कोरोना नियन्त्रणमा सबैको साथ आवश्यक रहेको बताउनुभयो । कोरोना नियन्त्रणमा नेपाल पत्रकार महासंघले संचालन गरेको अभियानमा सहयोग गर्ने दातालाई प्रमुख जिल्ला अधिकारी शर्माले धन्यवाद दिनुभएको थियो । गुल्मी अस्पतालले अक्सिजन प्लान्ट अभियानलाई संचालन कार्य अघि बढाएको वहाले बताउनुभयो ।

रेसुङ्गा नगरपालिकाका नगरप्रमुख डिल्लीराज भुसालले नगर भित्र बेड र अक्सिजनको अभाव हुन नदिने बताउनुभयो । नेपाल पत्रकार महासंघ गुल्मीले संचालन गरेको अभियानलाई नगरप्रमुख भुसालले प्रशंस गर्नुभयो । पत्रकारले संचालन गरेको अभियानले जनताको जिवन रक्षा महत्पूर्ण भूमिका खेलेको उल्लेख गर्नुभएको थियो । साथै, यो अभियान मार्फत विभिन्न ठाउँबाट सहयोग गर्ने दातालाई नगरप्रमुख भुसालले धन्यवाद दिनुभयो ।

गुल्मी अस्पतालका मेसु डाक्टर उत्तम पच्याले कोरोना महामारीमा जनताको जिवन रक्षा गर्न सहयोग गर्ने दातालाई धन्यवाद दिनुभयो । साथै गुल्मी अस्पतालमा अक्सिजन प्लान्ट अभियान कार्य अब केही दिनमै संचालन हुने डाक्टर पच्याले बताउनुभयो ।

नेपाल पत्रकार महासंघ गुल्मीले संचालन गरेको अक्सिजन प्लान्ट अभियानमा विभिन्न ठाउँबाट सहयोग संकलन कार्य भइरहेको छ । नेपाल पत्रकार महासंघ गुल्मीका अध्यक्ष टोपलाल अर्यालले महासंघको अभियानमा समन्वय गरी सहयोग गर्ने दाताहरु धन्यवादको पात्र भएको बताउनुभयो ।