काठमाडौं । ललितपुर महानगरपालिकाले फुटपाथ ओगटेर बनाइएका संरचनाहरु भत्काउन शुरु गरेको छ ।
काठमाडौं महानगरपालिकाका मेयर बालेन्द्र शाहले अवैध संरचना हटाउने अभियान शुरु गरेपछि यसको प्रभाव अन्य पालिकाहरुमा पनि देखिन थालेको छ ।
यसैबीच, ललितपुर महानगरपालिका मेयर चिरिबाबु महर्जनले पनि आफ्नो महानगरपालिकाभित्र फुटपाथ मिचेर बनाइएका संरचनाहरु भत्काउन शुरु गरेका छन् ।
ललितपुर महानगरपालिकाले महानगरकै घर भत्काएर यसको शुरुवात गरेको हो ।
ललितपुर महानगपलिकाले फुटपाथ मिचेर बनाएको र कर तिरिरहेको भए पनि यसलाई हटाएर अभियानको शुरुवात गरेको ललितपुर महानगरपालिकाका नगर प्रहरी प्रमुख सिताराम हाछेथुले बताए ।
पार्किङको लागि बनाएका बेसमेन्टलाई भने दसैंपछि हटाउने महानगरको योजना रहेको छ । मेयर महर्जनको आदेशपछि संरचना हटाउने काम शुरु भएको हाछेथुले जानकारी दिए ।
ललितपुर महानगरपालिका वासिन्दासँग सल्लाह गरेर संचरना हटाउन शुरु गरिएको र डोजर चलाएर हटाउने प्रयास नगर्ने उनको भनाइ छ ।
काठमाडौं महानगरले अभियानलाई तिव्रता दिएसँगै देशभरका विभिन्न स्थानीय तहहरुले अतिक्रमण गरि बनाइएका संरचना हटाउने अभियान सुरु गरेका छन् ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
