रेड्क्रस देवदहद्वारा उपशाखा स्तरिय बक्तृत्वकला प्रतियोगिता सम्पन्न

राहुल देव सापकोटा
भाद्र १२, २०७९ आइतवार

रेड्क्रस देवदहद्वारा उपशाखा स्तरिय बक्तृत्वकला प्रतियोगिता सम्पन्न

अ +
अ
अ -

राहुल देव सापकोटा, देवदह । रुपन्देहीको देवदहमा नेपाल रेडक्रस सोसाइटी देवदह उपशाखा द्वारा उपशाखा स्तरिय बक्तृत्वकला प्रतियोगिता सम्पन्न भएको छ। "जहाँ दुख, त्यहाँ रेडक्रस" भन्ने नारालाइ जोड दिँदै उक्त प्रतियोगिता आयोजना गरिएको हो ।

भाद्र १९ गते रेड्क्रस दिवशको अवसरमा संचालन हुने जिल्ला स्तरिय बक्तृत्वकला प्रतियोगिताका लागि देवदह उपशाखा बाट यो छनोट परिकृया रहेको र प्रथम र द्वितीय हुने बिद्यार्थी भाद्र १९ गते नेपाल रेडक्रस सोसाइटी जिल्ला शाखा रुपन्देहीको सभाहल भैरहवामा हुने कार्यक्रममा प्रतियोगीको रुपमा सहभागी हुने नेपाल रेडक्रस सोसाइटी देवदह उपशाखाका अध्यक्ष कृष्ण प्रसाद न्यौपानेले बताए।

सो प्रतियोगितामा निर्णायकमन्डलको संयोजकको रुपमा नवराज भण्डारी र सस्दस्य को रुपमा राजकिरण अर्यालले भुमिका निर्वाह गरेका थिए।

प्रतियोगितामा ग्रीनप्लान्ट आवसिय माविका छात्र आर्यन धमला प्रथम, बुद्ध पब्लिक आवसिय माबिका छात्र आशिष भट्टराई द्वितीय, सीता माबिकी छात्रा करिस्मा मगर तृतीय र देवदह माबिकी छात्रा कृष्टिना नयौपानेले सान्तवना स्थान हासिल गरेका थिए।

कार्यक्रम नेपाल रेडक्रस सोसाइटी देवदह उपशाखाका अध्यक्ष कृष्ण प्रसाद न्यौपानेको अध्यक्षता, नेपाल रेड्क्रस सोसाइटी देवदह उपशाखाका सदस्य बिकास गहतराजको स्वागत र नेपाल जुनियर युवा रेड्क्रस सर्कल बुद्ध पब्लिक आवसिय माबिका शिक्षक नायक ढुन्डीराज मरासिनीको संचालनमा सम्पन्न भएको थियो।