Logo

२०८३, मंसिर ३गते


images
images

अन्तर्राष्ट्रिय

नासाको भ्वाएजर–१ यान पृथ्वीबाट एक प्रकाश दिनको दूरीमा, ४९ वर्षदेखि अन्तरिक्ष यात्रामा

नासाको भ्वाएजर–१ यान पृथ्वीबाट एक प्रकाश दिनको दूरीमा, ४९ वर्षदेखि अन्तरिक्ष यात्रामा

images
  • नासाको भ्वाएजर–१ यान पृथ्वीबाट एक प्रकाश दिनको दूरीमा, ४९ वर्षदेखि अन्तरिक्ष यात्रामा
    images

    काठमाडौं । अमेरिकी अन्तरिक्ष निकाय नासाले सन् १९७७ मा प्रक्षेपण गरेको अन्तरिक्ष यान भ्वाएजर-१ पृथ्वीबाट करिब २५ अर्ब ९० करोड किलोमिटर टाढा पुगेको छ । यो दूरीलाई एक प्रकाश दिन भनिन्छ । मानव निर्मित कुनै पनि वस्तु अहिलेसम्म यति टाढा पुगेको छैन ।

    images
    images
    images

    प्रकाशले २४ घण्टामा पार गर्ने दूरीलाई एक प्रकाश दिन भनिन्छ । भ्वाएजर-१ यति टाढा पुगेपछि पृथ्वीबाट पठाइएको रेडियो सन्देश त्यहाँ पुग्न करिब २४ घण्टा लाग्छ । त्यहाँबाट जवाफ आउन पनि उत्तिकै समय लाग्ने भएकाले एउटा सन्देश आदानप्रदान गर्न करिब दुई दिन लाग्छ ।

    images
    images
    images

    सन् १९७७ सेप्टेम्बरमा चार वर्षे अभियानका लागि प्रक्षेपण गरिएको भ्वाएजर-१ ले सन् १९९८ मा नासाकै पायोनियर-१० लाई उछिन्दै मानव निर्मित सबैभन्दा टाढा पुगेको वस्तुको कीर्तिमान बनाएको थियो । यसको जुम्ल्याहा यान भ्वाएजर-२ पनि अन्तरिक्ष यात्रामा छ । दुवै यानले आफ्नो निर्धारित अवधि पार गरिसकेका छन् र अहिले सूर्यको प्रभाव क्षेत्रभन्दा बाहिर ताराहरूबीचको अन्तरिक्षको अध्ययन गरिरहेका छन् । भ्वाएजर-१ सन् २०१२ र भ्वाएजर-२ सन् २०१८ मा सूर्यको चुम्बकीय प्रभाव क्षेत्र हेलियोस्फियर पार गरेर बाहिरिएका थिए ।

    images
    images

    लामो समयदेखि सञ्चालनमा रहेका यी यानलाई सक्रिय राख्न नासाले विद्युत् खपत घटाउने उपाय अपनाउँदै आएको छ । भ्वाएजर-१ का १० वैज्ञानिक उपकरणमध्ये अहिले दुईवटा मात्र सञ्चालनमा छन् । नासाले अनावश्यक उपकरण बन्द गर्ने, विद्युत् व्यवस्थापन परिवर्तन गर्ने र तापक्रम नियन्त्रण गरेर यानको सञ्चालन अवधि लम्ब्याइरहेको छ । यसको अभियान सञ्चालन गर्न करिब १० जनाको टोली सक्रिय रहेको छ ।

    तर, यानको विद्युत् उत्पादन क्षमता घट्दै गएकाले सन् २०२९ सम्म भ्वाएजर-१ सँगको सम्पर्क टुट्न सक्ने अनुमान गरिएको छ । यसको जुम्ल्याहा यान भ्वाएजर-२ सँगको सम्पर्क पनि सन् २०३१ सम्ममा बन्द हुन सक्ने बताइएको छ । सन् २०२४ मा कम्प्युटरको एउटा चिपमा समस्या आएपछि नासाका वैज्ञानिकले पृथ्वीबाटै निर्देशन पठाएर यानलाई पुनः नियमित अवस्थामा फर्काएका थिए ।

    images
    images
    images
    images
    images
    images
    images
    images
    images
    images
  • सम्बन्धित विषय:

  • # नासा
  • # भ्वाएजर–१
  • images

    Copyright © All right reserved to setomasi.com

    सेतोमसीमा प्रकाशित कुनै पनि सामग्रीहरू छापा, विद्युतीय वा अन्य कुनै पनि माध्यमबाट प्रकाशन वा प्रशारण गर्नुअघि अनुमति लिनुहुन अनुरोध छ ।