रोज बड मन्टेश्वरीमा तिहार विशेष कार्यक्रम

सेतोमसी
कार्तिक २१, २०८३ शुक्रवार

रोज बड मन्टेश्वरीमा तिहार विशेष कार्यक्रम

अ +
अ
अ -

देवदह । दीपावली २०८३ को अवसरमा रोज बड मन्टेश्वरीमा तिहार विशेष कार्यक्रम सम्पन्न भएको छ ।

बालबालिकालाई नेपाली मौलिक संस्कृति, परम्परा र चाडपर्वको महत्त्व व्यवहारिक रूपमा सिकाउने उद्देश्यले कार्यक्रम आयोजना गरिएको विद्यालयले जनाएको छ ।

कार्यक्रममा बालबालिकालाई तिहारका पाँच दिनको महत्त्व, देउसीभैलो खेल्ने परम्परा र यससँग जोडिएका सांस्कृतिक पक्षबारे जानकारी गराइएको प्रिन्सिपल विपना रिजाल पौडेलले बताइन् ।

सो अवसरमा बालबालिकाहरूले देउसीभैलो खेल्नुका साथै माला लगाएर विभिन्न सांस्कृतिक गतिविधिमा सहभागिता जनाएका थिए ।

यस्ता गतिविधिले बालबालिकालाई सानै उमेरदेखि आफ्नो मौलिक संस्कृति र परम्परासँग परिचित गराउनुका साथै त्यसको संरक्षणप्रति सचेत बनाउन सहयोग पुग्ने अपेक्षा गरिएको विद्यालयले जनाएको छ ।