काठमाडौँ । अन्तर्राष्ट्रिय ह्याण्डबल महासंघको आयोजनामा आइतबारबाट बंगालादेशको राजधानी ढाकामा जोन २ अन्तर्गत आइएचएफ नेसन्स वुमेन्स ट्रफी २०२६ शुरु भएको छ ।
ढाकास्थित नेशनल ह्याण्डबल स्टेडियममा प्रतियोगिता अन्तर्गत पहिलो खेलमा नेपाल महिला राष्ट्रिय ह्याण्डबल टोली आयोजक बंगालादेशसँग ३३–२० गोल अन्तरले पराजित भएको छ । अन्तर्राष्ट्रिय ह्याण्डबल ऐरिनामा नेपाली महिला राष्ट्रिय टोली लामो अन्तराल पछि उत्रिएको हो ।
खेल पछि कुरा गर्दै नेपाली टोलीका प्रशिक्षक शुसिल अधिकारीले नेपाली टोलीले उत्कृष्ट प्रदर्शन गरे पनि म्याच एक्सपिरियन्स नहुँदा पराजित हुन पुगेको बताए । उनले भने,‘हामी लामो समय पछि मैदानमा उत्रिएका छौँ । आज पहिलो खेल थियो । हाम्रो म्याच एक्सपिरियन्स पनि छैन । तर हामीले उत्कृष्ट खेल प्रदर्शन गरेका छौँ ।
नेपाली राष्ट्रिय टोलीले भोली मालदिभ्ससँग खेल्ने छ । कार्तिक ६ गते सम्म सञ्चालन हुने प्रतियोगितामा नेपालसहित चार देशको सहभागिता रहेको छ ।
यस अघि एक भव्य कार्यक्रमबा बीच सो प्रतियोगिताको बंगालादेशका युवा तथा खेलकुद राज्य मन्त्री अमिनुल हकले उद्घाटन गरेका थिए । उनले सो अवसरमा यो प्रतियोगिताले दक्षिण एशियाली राष्ट्रहरुका बीचको सम्वन्ध प्रगाढ बनाउन सहयोग पुग्ने बताए ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology