काठमाडौँ । भारतको पश्चिम बङ्गालस्थित कोलकातामा शनिबार साँझ दुर्गा पूजा पण्डालमा भागदौड हुँदा कम्तीमा १९ जनाको मृत्यु भएको छ । मृत्यु हुनेमा दुई बालबालिका पनि रहेका छन् । घटनामा २५ जना घाइते भएको विवरणमा उल्लेख छ ।
कोलकाताको चोरबागान दुर्गा पूजा पण्डालमा भएको घटनामा कोलकाता मेडिकल कलेजका स्रोतले भने २० जनाको मृत्यु र ४५ जनाभन्दा बढी घाइते भएको दाबी गरेका छन् । मृतक तथा घाइतेको सङ्ख्याबारे फरक विवरण सार्वजनिक भएका छन् ।
कोलकाता प्रहरीका अनुसार शनिबार साँझ वर्षा भएपछि पानीबाट जोगिन धेरै मानिस पण्डालभित्र बसेका थिए । साँझ बाहिर रहेका मानिसले पनि भित्र प्रवेश गर्न खोजेपछि धकेलाधकेल भएको थियो । त्यसपछि भागदौड मच्चिएको बताइएको छ ।
घटनापछि पण्डालका बत्ती निभाएर मानिसको प्रवेश रोकिएको थियो । सुरक्षाका कारण सहरका अन्य केही दुर्गा पूजा पण्डालसमेत बन्द गराइएको विवरणमा उल्लेख छ ।
कोलकातामा दुर्गा पूजा मनाउन करिब ३ हजार ५०० पण्डाल निर्माण गरिएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology