काठमाडौँ । भारत र वेस्ट इन्डिजबीचको पाँचौँ तथा अन्तिम टी–२० अन्तर्राष्ट्रिय क्रिकेट खेल वर्षाका कारण रद्द भएको छ । भारतको बेङ्गलुरुस्थित एम चिन्नास्वामी रङ्गशालामा लगातार वर्षा भएपछि पाँच खेलको सिरिजको निर्णायक खेल हुन नसकेको हो ।
वेस्ट इन्डिजले टस जितेर पहिले बलिङ गर्ने निर्णय गरेको थियो । वर्षा रोकिएपछि मैदानको उत्कृष्ट पानी निकास व्यवस्थाका कारण खेल नौ ओभरमा झारेर सुरु गरिएको थियो । तर, ७.४ ओभरको खेलपछि पुनः वर्षा भएपछि खेल अघि बढ्न सकेन ।
छोटो अवधिको खेलमा भारतले पाँच विकेट गुमाएर ११८ रन बनाएको थियो । पाँच ओभरको खेल सम्भव भएको भए वेस्ट इन्डिजले डकवर्थ–लुइस–स्टर्न पद्धतिअनुसार ८४ रनको लक्ष्य पाउने थियो । तर, वर्षा नरोकिएपछि खेल रद्द गर्नुपर्यो ।
यस नतिजासँगै भारतको घरेलु मैदानमा लगातार १२ टी–२० सिरिज जित्ने क्रम टुङ्गिएको छ । भारत र वेस्ट इन्डिजबीचको एकदिवसीय सिरिज भने भारतले २–१ ले जितेको थियो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology
