काठमाडौँ । अन्तरव्यवस्थापिका सङ्घ (आईपीयू) को १५३औँ महासभामा सहभागी हुन तान्जानियाको अरूसामा रहेका सभामुख डोलप्रसाद (डीपी) अर्यालले अष्ट्रेलियाली संसद्का समकक्षीसँग शिष्टाचार भेट गरेका छन्।
भेटमा नेपाल-अष्ट्रेलिया सम्बन्ध, संसदीय सहकार्य तथा जलवायु परिवर्तनका विषयमा छलफल भएको थियो । सभामुख अर्यालले भोटेकोसी बाढीपछि अष्ट्रेलियाले गरेको मानवीय सहायता र खोज तथा उद्धार सहयोगप्रति धन्यवाद व्यक्त गरे।
उनले जलवायु परिवर्तनबाट नेपाललगायत हिमाली मुलुक प्रभावित भइरहेको उल्लेख गर्दै यस विषयमा अष्ट्रेलियाको सहयोग र ऐक्यबद्धताको अपेक्षा व्यक्त गरेका थिए ।
सभामुख अर्यालले नेपाल-अष्ट्रेलिया संसदीय मैत्री समूह, सांसदबीच अनुभव आदानप्रदान तथा संसदीय कूटनीतिमार्फत सम्बन्ध थप सुदृढ गर्न सकिने बताए। साथै पर्यटन, शिक्षा र जनस्तरको सम्बन्ध विस्तारका लागि प्रत्यक्ष हवाई सम्पर्क स्थापना गर्न सहकार्यको आग्रह गरे।
अष्ट्रेलियाली समकक्षीले नेपालसँगको संसदीय तथा द्विपक्षीय सम्बन्ध थप सुदृढ गर्न अष्ट्रेलिया इच्छुक रहेको बताएका थिए ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
