कक्षा १२ को परीक्षाफल : खड्ग माविको शतप्रतिशत नतिजा, नन्दनीले ल्याइन् ३.६३ जिपिए

सेतोमसी
आषाढ ६, २०८३ शनिवार

कक्षा १२ को परीक्षाफल : खड्ग माविको शतप्रतिशत नतिजा, नन्दनीले ल्याइन् ३.६३ जिपिए

अ +
अ
अ -

देवदह । राष्ट्रिय परीक्षा बोर्डले सार्वजनिक गरेको यस वर्षको कक्षा १२ को परीक्षामा खड्ग माध्यमिक विद्यालय देवदहले शतप्रतिशत नतिजा हासिल गरेको छ ।

विद्यालयका प्रधानाध्यापक बाबुराम बस्नेतले परीक्षामा सहभागी सबै विद्यार्थी उत्तीर्ण भएको बताए । यस वर्ष विद्यालयबाट ६ जना विद्यार्थी कक्षा १२ को परीक्षामा सहभागी भएकोमा सबैले उत्तीर्ण भएको विद्यालयले जनाएको छ ।

प्रधानाध्यापक बस्नेतका अनुसार विद्यालयमा उत्कृष्ट हुने छात्रा नन्दनी अग्रहरीले ३.६३ जिपिए प्राप्त गरेकी छन् ।

यस वर्षको कक्षा १२ को परीक्षामा देशभरबाट नियमिततर्फ ३ लाख ३२ हजार २४१ विद्यार्थी सहभागी भएका थिए । तीमध्ये २ लाख ३१ हजार ७७० विद्यार्थीले सबै विषयमा ग्रेड प्राप्त गरेका छन् । त्यस्तै कुल ४ लाख १८ हजार १७० विद्यार्थी सहभागी भएकोमा २ लाख ६८ हजार १९० विद्यार्थीले सबै विषयमा ग्रेड प्राप्त गरेको राष्ट्रिय परीक्षा बोर्डले जनाएको छ ।

बोर्डका अनुसार नियमिततर्फ ६९.७५ प्रतिशत, आंशिकतर्फ ४२.३८ प्रतिशत तथा समग्रमा ६४.१३ प्रतिशत विद्यार्थीले सबै विषयमा ग्रेड प्राप्त गरेका छन् ।

गत वैशाख १४ गतेदेखि २७ गतेसम्म सञ्चालन भएको कक्षा १२ को परीक्षाको नतिजा परीक्षा सम्पन्न भएको ३५ दिनमै सार्वजनिक गरिएको हो ।