वर्ल्डलिंक देवदहको कार्यालय जलेपनि सेवा प्रवाह अबरुद्ध नहुने

सेतोमसी
फाल्गुण १४, २०८२ बिहिवार

वर्ल्डलिंक देवदहको कार्यालय जलेपनि सेवा प्रवाह अबरुद्ध नहुने

अ +
अ
अ -

देवदह । देवदह नगरपालिका–खैरेनीस्थित वर्ल्डलिंकको कार्यालय आगलागीबाट पूर्ण रूपमा जलेर नष्ट भए पनि इन्टरनेट सेवामा कुनै समस्या नहुने वर्ल्डलिंकले जनाएको छ । सेतोमसीसंग कुरा गर्दै वर्ल्डलिंक देवदह शाखा प्रमुख सन्तोष थापाले सबै सेवा नियमित हुने बताए ।

'आगलागीले कार्यालयमा क्षति भएपनि हाम्रो सेवा नियमित हुन्छ ।' सेतोमसीसंग प्रमुख थापाले भने, 'महसुल भुक्तानीको लागि समेत अस्थायी व्यवस्था मिलाएको छ । सधैझैँ नियमित सेवा प्रवाह हुन्छ ।'

उनले क्षतिको विवरण संकलन भैरहेको बताए । बिमा कम्पनीलाई घटनाबारे जानकारी गराइएको र क्षतिको विवरण संकलन भैरहेको थापाले बताए

देवदह नगरपालिका–खैरेनीस्थित साइन रेसुङ्गा डेभलपमेन्ट बैंक र वर्ल्डलिंकको कार्यालय रहेको भवनमा आज बिहान ३ः५६ मा आगाली भएको थियो ।

भवनको दोस्रो तलामा रहेको वर्ल्डलिंकको कार्यालय पूर्ण रूपमा जलेर नष्ट भएपनि पहिलो तलामा रहेको साइन रेसुङ्गा बैंक र भुईँतलाको डिपार्टमेन्टल स्टोर सुरक्षित रहेको प्रहरीले जनाएको छ ।