खेल सप्ताह

देवदह बुद्ध पव्लिकमा खेल सप्ताह : दोश्रो दिन विभिन्न प्रतियोगिता सम्पन्न

सेतोमसी
माघ २८, २०८२ बुधवार

देवदह बुद्ध पव्लिकमा खेल सप्ताह : दोश्रो दिन विभिन्न प्रतियोगिता सम्पन्न

अ +
अ
अ -

देवदह । देवदह बुद्ध पव्लिक आवासीय माध्यमिक विद्यालयमा २४औँ वार्षिक उत्सवको अवसर पारेर आयोजना गरिएको खेल सप्ताहको दोस्रो दिन बुधवार विभिन्न प्रतियोगिता भएका छन् ।

विद्यालयका खेल संयोजक बलराम ज्ञवालीको संयोजकत्वमा भएका खेलमा कक्षा नर्सरीदेखि १२ सम्मका विद्यार्थीहरुको सहभागिता रहेको थियो ।

प्रतियोगितामा कक्षा नर्सरी तर्फ म्यूजिकल रेस, कक्षा एल के.जी तर्फ म्याथमेटिकल रेस, र कक्षा यू.के.जी तर्फ रनिङ निडल रेस सम्पन्न भएका छन् ।

त्यसैगरी कक्षा १ तर्फ म्याथमेटिकल रेस, कक्षा २ र ३ तर्फ पिकअप रेस, कक्षा ४ र ५ तर्फ एक सय मिटर रेस तथा एक सय मिटर रिले रेस, कक्षा ६ र ७ तर्फ एक सय मिटर रेस, एक सय मिटर रिले रेस र दुई सय मिटर रेस तथा लङ्ग जम्पका प्रतियोगिता भएका छन् ।

यसैगरि कक्षा ११ र १२ तर्फ एक सय मिटर रेस, दुई सय मिटर रेस, एक सय मिटर रिले रेस र चार सय मिटर रेस अन्तर्गतका खेलहरु सम्पन्न भएको विद्यालयले जनाएको छ ।

खेल सप्ताहका विजेता विद्यार्थीलाई विद्यालयको २४औं वार्षिक उत्सव समारोहमा पुरस्कृत गरिने अतिरिक्त क्रियाकला प्रमुख ढुण्डीराज मरासिनीले जानकारी दिए ।