देवदह । निरन्तर महिला बचत तथा ऋण सहकारी संस्थाको अध्यक्षमा सर्मिला पन्त निर्वाचित भएकी छन् । शनिवार सम्पन्न संस्थाको छैठौं अधिवेशनले पन्तको अध्यक्षतामा नयाँ संचालक समिति चयन गरेको हो ।
समितिको उपाध्यक्षमा अविता ज्ञवाली, सचिवमा सोना तिवारी र कोषाध्यक्षमा दुर्गा रेग्मी रहेका छन् । सदस्यहरुमा लक्ष्मी पौडेल, शोभा क्षेत्री, दुर्गा आचार्य, रुमी थापा र कृष्णा ढकाल रहेका छन् ।
त्यसैगरी लेखा समिति संयोजकमा राधिका अर्याल तथा सदस्यहरुमा दुर्गा पोखरेल र निर्मला कुमारी ढकाल चयन भएको जनाइएको छ ।
संस्थाको १७ औं वार्षिक साधारण सभा तथा छैठौं अधिवेशनमा प्रस्तुत प्रतिवेदन सर्वसम्मत रुपमा पारित भएको छ ।
सो अवसरमा सहकारीले चिठ्ठा मार्फत ५० जना शेयर सदस्यलाई तामाको जग वितरण गरेको छ । ४७ जना एकल महिला, ७० वर्ष माथिका १९ जना जेष्ठ महिला, फरक क्षमता भएका एक जना महिला तथा कक्षा १० मा ए प्लस ल्याउने तीन जना विद्यार्थीलाई समेत सम्मान गरिएको छ ।
साधारणसभामा सहकारी अभियन्ताहरु टिका न्यौपाने, जागेश्वरी पंगेनी लगायतको उपस्थिति रहेको थियो ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
