जापान । पौदी सेभ सोसाइटी जापानको प्रथम अधिबेशन सम्पन्न भएको छ । गुल्मी जिल्ला मुसिकोट नगरपालिका वार्ड नम्बर १ पौदी अमराइमा बस्ने विशेषगरी कामको सिलसिलामा अहिले जापानमा रहनुहुने सम्पुर्ण वार्डवासी नेपाली दाजु भाइ दिदी बहिनिहरुको उपस्थितिमा टोकियोमा भएको अधिबेशनले अम्मर गिरिको नेतृत्वमा सर्बसम्मत १३ सदस्यीय कार्य समिती निर्माण गरेको छ ।

जसको वरिष्ठ  उपाध्यक्षमा राजन केसि, उपाध्यक्षमा रेशम गिरी, टीका गिरी र दोर्ण गिरी रहेका छन भने महासचिबमा टोपनारायण पोख्रेल, सचिबमा नारायण गौतम र सह-सचिबमा ईन्द्र मनि मरासिनी चुनिएका हुन । त्यसैगरी कोषाध्यक्षमा कृष्ण खत्री क्षेत्री, सदस्यहरुमा चन्द्रकान्त मरासिनी र दिप्सन थापा रहेका छन ।

अधिबेशनले डिल्लीराज पोखरेललाई वरिष्ठ  सल्लाहकारमा मनोनित गर्दै टीका गिरी सयोजक रहने गरि ५ सदस्यीय बिधान समिती पनि निर्माण गरेको छ । जसको सदस्यमा अम्मर गिरी, राजन केसि, टोप नारायण पोखरेल र कृष्ण खत्री क्षेत्री रहेको साथै बांकी सल्लाहकार र केही सदस्य पछि थप्ने प्रबक्ता दिप्सन थापाले जानकारी दिए ।

त्यसैगरी अधिबेशन पछि बसेको पहिलो बैठकले मुसिकोट नगरपालिका वार्ड नम्बर १ पौदीअमराइ निवासी सुकुम श्रेष्ठ क्यान्सर रोगका कारण पिडित रहेको र भरतपुर क्यान्सर अस्पतालमा उपचारार्थ उनको आर्थिक अबस्था कमजोर भएकोले उनलाइ सहयोग अभियान चलाएर आर्थिक संकलन गरिरहेको मा हातेमालो गर्ने निर्णय गरेको छ ।

उनको उपचारको लागि "सुकुम श्रेष्ठ बचाउ अभियान" मार्फत रकम सकलन गरिएको थियो । त्यही अभियानमा पौदी सेभ सोसाइटी जापानले हातेमालो गर्न लागेको अध्यक्ष अम्मर गिरीले जानकारी दिए । हाल सम्म देश भित्र र बाहिर करिब ४ लाख बडी रकम जम्मा भैसकेको बताइएको छ ।

पौदी सेभ सोसाइटीले आगलागी, बाढी पहिरो, दैवीप्रकोप लगायत आर्थिक अबस्था कमजोर भएर उपचार गर्न नसक्ने धेरै जनालाइ सहयोग गर्दै आइरहेको छ ।