अनिष पन्थी, रेसुङ्गा । रेसुङ्गाका स्थानीयले विद्यालय व्यवस्थापन समिती गठनको प्रक्रियामा बिरोध जनाउँदै ध्यानाकर्षण पत्र बुझाएका छन । उनीहरूले रेसुङ्गा नगरपालिका वार्ड न ९ मा रहेको उपल्लो तम्घास माध्यमिक विद्यालय र उक्त विद्यालय रहेको वडा कार्यालयमा एकैसाथ ध्यानाकर्षण पत्र बुझाएका हुन् ।

यहि बैशाख ६ गते उक्त बिद्यालयमा बिद्यालय व्यबस्थापन समितिको गठन भइ अध्यक्षमा गणेश श्रीपाली चयन भएका थिए । तर बिद्यालय संस्थापक, चन्ददाता, र बिद्यालयलाइ निरन्तर सहयोग गर्ने कुनै पक्षसङ्ग छलफल नगरि समिती चयन भएको भन्दै स्थानीयले ध्यानाकर्षण पत्र बुझाएका हुन । 

सामुदायिक बिद्यालयप्रति सरोकारवालाहरुको नकारात्मक दृष्टिकोण उत्पन्न हुन सक्ने र भविष्यमा बिद्यालय संचालनको लागि विभिन्न कठिनाइ समेत उत्पन्न हुन सक्ने असन्तुष्ट पक्षको भनाइ छ । 

कुनै राजनीति कुरालाई वास्ता नगरि ध्यानाकर्षण पत्र बुझाइएको स्थानीय चन्दादाता नाराण आचार्यले बताए । समिती गठनबारे बुझ्न खोज्दा वडाले मनोनित गरेर पठाएका व्यक्तिबाटै बिद्यालय व्यबस्थापन समितिको चयन गरेको भन्दै यसबारे वडा कार्यालयमा नै बुझ्न बिद्यालयका प्रधानाध्यापक पिंकि भुषालले अनुरोध गरेको आचार्यले बताए ।

स्थापना कालदेखि प्रा. वि., नि. मा. वि. हुँदै हालको मा. वि. हुँदासम्मका सम्पुर्ण बिद्यालयप्रेमी सरोकारवालाप्रति नकारात्मक दृष्टिकोण उत्पन्न हुन सक्ने र भविष्यमा बिद्यालय संचालनको लागि विभिन्न कठिनाइ समेत उत्पन्न हुन सक्ने स्थानीय  कृष्ण पाण्डेको भनाइ छ । वडामा निर्वाचित जनप्रतिनिधिहरु सबैको सहमत समेत नभइ तानाशाहि निर्णय भएकोले यसको सुनुवाइ नभए आन्दोलनका कार्यक्रम हुने पाण्डेले बताए ।
 
यसबारे वडा कार्यालयसंग बुझ्दा रेसुङ्गा नगरपालिका वार्ड न ९ का वडा अध्यक्ष नारान बरालले सबै प्रक्रिया अगाडि बढाएर कानुनी रुपमै अघि बढेको र सबैलाइ औपचारिक / अनौपचारिक खबर समेत गरेको बताए । चन्ददाता एवं अभिभावक गणेश श्रीपालीलाई वडाले नै मनोनीत गरेर पठाएको समेत अध्यक्ष बरालले उल्लेख गरे ।
 
वडा नम्बर ९ का स्थानीय नारायण आचार्य, कृष्ण पाण्डे, लक्ष्मण पन्थी, जिवलाल पाण्डे, गङ्गा देवि पाण्डे, केसरबहादुर थापा, छवि पाण्डे, गणेश बहादुर खत्री, ध्रुव आचार्य लगाएत  करिब १००   घर धुरिका अभिभावक, स्थानीय र चन्ददाताहरुले असहमति जनाउदै ध्यानाकर्षण पत्रमा  हस्ताक्षर गरेका  छन ।