राजश्व र पुँजीगत खर्च घट्दै गएका कारण सुशासन प्रवद्र्धन विधेयक ल्याएका हौं : मन्त्री गुरुङ

सेतोमसी
फाल्गुण २८, २०८१ बुधवार

राजश्व र पुँजीगत खर्च घट्दै गएका कारण सुशासन प्रवद्र्धन विधेयक ल्याएका हौं : मन्त्री गुरुङ

अ +
अ
अ -

काठमाडौं । सञ्चार तथा सूचना प्रविधिमन्त्री पृथ्बीसुब्बा गुरुङले मुलुकमा सुशासन अभावका कारण राजश्व र पुँजीगत खर्च समेत घट्दै गएको बताएका छन् । उनले त्यसै कारण सुशासन प्रवद्र्धन विधेयक ल्याएको बताए । सुशासन प्रवद्र्धन तथा सार्वजनिक सेवा प्रवाह सम्बन्धी केही नेपाल ऐनलाई संशोधन गर्ने विधेयकमाथिको सैद्धान्तिक छलफलका क्रममा सांसदहरुले राखेका प्रश्नहरुको जवाफ दिँदै मन्त्री गुरुङले शासन प्रणालीसँग जोडिएका अधुरा र अपूरा कानूनहरुलाई पूर्णता दिनको लागि विधेयक अपरिहार्य ठानेर ल्याइएको दाबी गरे ।

मन्त्री गुरुङ्गले मुलुकमा सुशासन कायम गर्नको लागि वाधक रहेका कानूनहरुमा सुधार गरि सार्वजनिक सेवा प्रणालीलाई प्रभावकारी बनाउन आवश्यक ठानेर सरकारले विधेयक ल्याएको उल्लेख गरे ।

‘शासन प्रणालीसँग जोडिएका कानून कार्यान्वयनसँग जोडिएका द्धिअर्थी र अधुरो तथा अपुरो कानूनहरु छन् । सुशासन कार्यान्वन गर्ने तहहरुमा समेत त्यसले वाधा पुर्याइरहेको अवस्था छ ।’ उनले भने, ‘त्यसकारण यस्ता ऐन कानूनहरुलाई संशोधन गरेर सशान प्रणालीलाई कसरि प्रभावकारी बनाउने, कसरि जनमुखि बनाउने, कसरि सेवा र न्याय दिने भन्ने कुरा निक्कै खड्किएर यो अध्यादेश ल्याएको हो ।’