महिलाहरुका लागि तीनदिने नेतृत्व विकास तालिम

नविन लुइँटेल
मंसिर ३०, २०८१ आइतवार

महिलाहरुका लागि तीनदिने नेतृत्व विकास तालिम

अ +
अ
अ -

देवदह । रुपन्देहीको देवदहमा महिलाहरुका लागि दिइएको तीनदिने नेतृत्व विकास तालिम समापन भएको छ । देवदह नगरपालिका वडा नं ७ को आयोजनामा संचालित तालिम आइतबार देवदह ७ मा अवस्थित मदन आश्रित सभाहल सम्पन्न भएको हो ।

वडा नं ७ का करिब १०० जना महिलाहरुको लागि शुक्रबारदेखि नेतृत्व विकास तालिम सुरु भएको भएको र आइताबार समापन गरिएको वडा कार्यालयले जनाएको छ ।

कार्यक्रममा बोल्दै कृष्ण अधिकारीले महिलाहरुको क्षमता विकासको लागि तालिम आयोजना गरिएको बताए । उनले वडा कार्यालयले विभिन्न सिपमुलक, व्यवसायिक र आय आर्जनसंग सम्बन्धीत तालिम दिइरहेको बताए ।

तालिममा प्रमुख प्रशिक्षकको रुपमा इन्दिरा अर्याल र बाल बालिकाको विषयमा खैरेनी प्रहरी चौकी प्रहरी निरीक्षक एक्का बहादुर नेपालीको कक्षा रहेको थियो ।

समापन कार्यक्रममा प्रशिक्षक इन्दिरा अर्याल, प्रशिक्षार्थीहरु सुमित्रा खरेल, जमुना बस्याल, गिता सापकोटा, कृष्ण कुमारी भण्डारी, अमृता विश्वकर्मा, सीता न्यौपाने, गीता सापकोटा लगायतले तालिममा सिकेका विषयबारे चर्चा गरे ।