माधव ज्ञवाली, गुल्मी । गुल्मीको रुरुक्षेत्र गाउँपालिकाको प्रशासकीय भवनको सोमबार शिलान्यास भएको छ। निर्माण हुन लागेको सुविधासम्पन्न भवनको गाउँपालिकाका अध्यक्ष निलकण्ठ गौतमले शिलान्यास गरेका हुन्।
गाउँपालिकाको केन्द्र घ्युबेशीमा निर्माण हुन थालेको प्रशासकीय भवनको शिलान्यस गर्दै अध्यक्ष गौतमले निर्माण ब्यबसायीलाई समयमै गुणस्तरीय काम गर्न अनुरोध गरेका छन् ।
६ करोड ३३ लाख २४ हजार ५ सय ९४ रुपैयाँ ५३ पैसामा निर्माण हुन थालेको गाउँपालिकाका भवन निर्माणको ठेक्का राजेस्वरी कन्स्ट्रक्सन प्रालिले पाएको छ।
उक्त भवन २०८१ साल साउन १५ गतेसम्म सम्पन्न गर्ने गरी सम्झौता भएको छ।
ठेक्का पाएको कम्पनीका संचालक भागवत गिरिले ठेक्का सम्झौता अवधि करिब ३ बर्षको भएता पनि भवन निर्माण कार्य समय अवधि भन्दा पहिले नै सक्ने प्रतिबद्धता व्यक्त गरेका छन् । भवन निर्माण कार्यलाई गुणस्तरीय रुपले तीब्र बनाउने उनले बताए ।
ठेक्का पाएको कम्पनीले कार्यालय भवन, त्यस अन्तर्गत खानेपानी, बिजुली, ढल,पेन्टिङ लगायत सम्झौतामा उल्लेख्य गरेका कार्यहरू गर्नेछ।
कार्यक्रममा विभिन्न वडाका वडा अध्यक्ष ,विभिन्न शाखाका कर्मचारी ,निर्माण ब्यबसायी लगायतको उपस्थिति रहेको थियो।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
.gif)