देवदह । देवदह नगरपालिकाले गत आर्थिक बर्षमा जनप्रतिनिधि र कर्मचारीको भ्रमणमा मात्रै झन्डै १२ लाख सकाएको छ । नगरपालिकाले कर्मचारी र जनप्रतिनिधिको भ्रमण र त्यसवापतको भत्तामा ११ लाख ४५ हजार ८०१ रुपैया खर्च गरेको हो ।
त्यसैगरी, देवदह नगरपालिकाको कार्यपालिका बैठकमा खाईएको नास्ताको मुल्यमात्रै ३ लाख १ हजार २५५ रहेको छ । गत आर्थिक बर्षमा २२ पटक कार्यपालिकाको बैठक बसेको थियो । २२ वटा बैठकको नास्तामा उक्त रकम खर्च भएको नगरपालिकाका प्रमुख प्रशासकीय अधिकृत डिल्लीराज बेलवासेले बताए ।
साथै, देवदह नगरपालिकाले नगर अधिवेशनमा २ लाख ६२ हजार ६२५ रुपैयाँ खर्च गरेको छ । उक्त अधिवेशनमा अधिकांश नगरपालिकाका कर्मचारी र केही मिडियाकर्मी लगायतलाई सम्मान गरिएको थियो । उक्त सभामा शिक्षकलाई सम्मान नगरीएकोमा केही शिक्षकले सामाजिक संजालमै असन्तुष्टि व्यक्त गरेका थिए ।
देवदह नगरपालिकाका स्थानीय जनप्रतिनिधि र कर्मचारीको पारिश्रमिकमा ४ करोड १ लाख १७ हजार १६७ रुपैया खर्च भएको छ । जसमा जनप्रतिनिधिको पारिश्रमिक १ करोड ६४ लाख ५९ हजार ८४४ रहेको छ भने कर्मचारीको २ करोड ४६ लाख ५७ हजार २२३ रहेको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
