ग्रीनप्लान्टमा कृष्णजन्माष्टमी विशेष भजन प्रतियोगिता

सेतोमसी
भाद्र ९, २०८१ आइतवार

ग्रीनप्लान्टमा कृष्णजन्माष्टमी विशेष भजन प्रतियोगिता

अ +
अ
अ -

देवदह । रूपन्देहीको देवदह–७ स्थित ग्रीनप्लाट आवासीय माध्यमिक विद्यालयमा कृष्णजन्माष्टमी विशेष भजन प्रतियोगिता सम्पन्न सम्पन्न भएको छ । विद्यालयको अतिरिक्त क्रियाकलाप अन्तरगत आइतबार कक्षा मन्टेश्वरी देखि १० सम्म कृष्णजन्माष्टमी विशेष कार्यक्रम आयोजनाको विद्यालयले कक्षा ४ देखि १० सम्मका विद्यार्थीहरुबिच सदनगत भजन प्रतियोगिता सम्पन्न गरेको जनाइएको छ ।

प्रतियोगितामा नारायणी सदन प्रथम, लुम्बिनी सदन द्वितीय, धौलागीरी सदन तृतीय र गण्डकी सदन सान्तवना भएको छ । विद्यार्थीमा अन्तर्निहीत प्रतिभालाई प्रवद्धन गर्न तथा आफ्नो संस्कृतिलाई बचाउनका लागि विद्यालयले चार्डपर्वविशेष विशेष गर्दै आएको र यस्ता कार्यक्रमले विद्यार्थीलाई आफ्नो संस्कृतिबारे ज्ञान प्रदानसंगै संस्कृतिको सम्मान गर्नुपर्छ भन्ने सन्देश दिने विद्यालयका प्राचार्य राजिव सापकोटाले बताए ।

विद्यालयका प्रबन्ध निर्देशक एक नारायण काफ्लेको अध्यक्षता सम्पन्न कार्यक्रमा, प्राचार्य राजीव सापकोटा, सह–प्राचार्य शंकर सुवेदी, शिक्षकहरू प्रभा कार्की, आर्यन धमला, करुणा पौडेल, भागिरथ गौडेल तथा विद्यालयका अतिरिक्त क्रियाकलाप प्रमुख धनमाया शर्मा लगायतको उपस्थिति रहेको थियो ।