देवदह । देवदह नगरपालिकाले नगरभित्र संचालित सम्पुर्ण विद्यालय अनिश्चित कालकालागि बन्द गर्न निर्देशन जारी गरेको छ । कोभिड-१९ को संक्रमण नियन्त्रणमा आईनसकेको र तेस्रो भेरियन्टको खतरा समेत बढ्दै गएको उल्लेख गर्दै नगरपालिकाले सामुदायिक तथा संस्थागत सबै विद्यालयहरु अर्को सूचना नभएसम्मको लागि बन्द गर्न निर्देशन गरेको हो ।
देवदह नगरपालिकाका शिक्षा शाखा प्रमुख टिकाराम शर्माद्वारा जारी सूचनामा जिल्ला कोभिड १९ संकट व्यवस्थापन केन्द्र रुपन्देहीको मिति बिहिवारको बैठकको निर्णयबाट शैक्षिक संस्थाहरु, प्रशिक्षण केन्द्रहरु, भाषाकक्षाहरु, ट्युसन लगायत जमघट हुने गतिविधिहरु सञ्चालन नगर्ने भन्ने निर्णय गरेको हुनाले नगरभित्रका सबै सामुदायिक एंव संस्थागत विद्यालयहरुले कडाइका साथ उक्त निर्णयको पालना गर्नु गराउनुहुन अनुरोध गरिएको छ ।
नगरपालिकाको पूर्व सूचना बिना विद्यालय सञ्चालन नगर्न र आ-आफ्ना बालबालिकाहरुलाई विद्यालय नपठाउनु हुन अनुरोध गर्दै स्वास्थ्य सुरक्षाका मापदण्ड अपनाई बैकल्पिक माध्यमबाट शिक्षण सिकाइलाई निरन्तरता दिन भनिएको छ ।
साथै निर्देशनको उल्लङ्घन गरेमा आवश्यक कारवाही गरिने त्यसबाट हुने क्षतिको जिम्मेवार सम्बन्धित विद्यालय प्रशासन नै हुने समेत सूचनामा उल्लेख छ । 
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
