सप्तकोशीमा तीन दशक यताकै उच्च बहाव, ५६ वटै ढोका खोलियो

सेतोमसी
श्रावण २९, २०८० सोमवार

सप्तकोशीमा तीन दशक यताकै उच्च बहाव, ५६ वटै ढोका खोलियो

फाइल फोटो

अ +
अ
अ -

काठमाडौं । पूर्वी पहाडी जिल्लाहरूमा केहि दिनयता निरन्तर परेको भारी वर्षाले सप्तकोशी नदीमा पानीको बहाव ३४ वर्ष यताकै उच्च विन्दुमा पुगे सँगै ५६ वटै ढोका खोलिएको छ ।

सप्तकोशी नदी स्थित कोशी नदीमा सोमबार बिहान ४ बजे ४ लाख ६२ हजार क्युसेक पानी प्रति सेकेण्ड बगेसँगै टटीय क्षेत्रमा उच्च सर्तकता अपनाउउन भनिएको हो ।

कोशीमा बिहान ९ः३० बजे गरिएको पछिल्लो मापनमा पानीको बहाव सामान्य घट्दै गइरहेको छ । मापन अनुसार प्रति सेकेण्ड ४ लाख २१ हजार क्युसेक पानी बगिरहेको जिल्ला प्रशासन कार्यालय सुनसरीको प्रमुख जिल्ला अधिकारी हुमकला पाण्डेले जानकारी दिइन् ।

अहिले कोशी ब्यारेजमा रहेका ५६ मध्ये सबै ढोका खोलिएको छ । नदीमा पानीको बहाव सामान्य घटेपनि उच्च सर्तकता अपनाउन प्रशासनले आग्रह गरेको छ ।
कोशीमा यसअघि सन् १९८९ सालमा ४ लाख ७२ हजार क्युसेक पानी प्रति सेकेण्ड बगेको रेकर्ड छ ।

ब्यारेजबाट अत्यधिक मात्रामा पानीको बहाव हुनथालेपछि पूर्वपश्चिम राजमार्गको कोशी ब्यारेज पुलमा सवारीसाधनको गति सीमित गरेर सञ्चालन गर्न प्रहरीले आग्रह गरेको छ ।