स्थानीय तह

फरक क्षमता भएका व्यक्तिहरूलाई सहायक सामाग्री वितरण

रेशम अधिकारी
श्रावण २, २०८० मंगलवार

फरक क्षमता भएका व्यक्तिहरूलाई सहायक सामाग्री वितरण

अ +
अ
अ -

परासी । सुनवल नगरपालिका भित्रका करिब ३९ फरक क्षमता भएका ब्यक्तिलाई मंगलबार सहायक सामग्री वितरण गरिएको छ ।

नगरपालिका भित्रका फरक क्षमता भएका ब्यक्तिको सहजताका लागि ह्विलचेयरमा, ट्राइसाइकल, श्रवण यन्त्र, वाकर, बैशाखी लगायतका विभिन्न सामाग्री वितरण गरेको हो ।

नगरपालिका भित्र रहेका आठ सय ५९ फरक क्षमता भएका व्यक्ति मध्ये एकचालीस जनालाई सामग्री उपलब्ध गराएको हो।

सहयोग सामग्री हस्तान्तरण गर्दै मेयर विमला अर्यालले फरक भएका ब्यक्तिलाई स्वरोजगार बनाउन र समाजमा स्थापित गराउन नगरपालिकाले योजना बनाइरहेको बताइन् । नगरपालिका भित्र रहेका फरक क्षमता भएका व्यक्तिहरूको पहिचान गर्ने काम भइरहेको भन्दै मेयर अर्यालले ब्यक्तिको अवस्था हेरेर त्यसैअनुसारको क्षमता अभिवृद्धि र प्रोत्साहनको अभियानलाई अघि बढाउने बताइन् ।

कार्यक्रममा १६ जनालाई ह्विलचेयरमा, तिन जनालाई ट्राइसाईकल, ३ जनालाई बैशाखी, तिन जनालाइ लट्ठी, श्रवण यन्त्र २ जनालाई र ३ जनालाई वाकर लगायतको सामग्री वितरण गरिएको सुनवल नगरपालिका महिला, बालबालिका एवम् ज्येष्ठ नागरिक शाखा प्रमुख केशरी गैरेले जानकारी दिइन् ।