काठमाडौँ । क्यानडा पठाइदिन्छु भनी रकम ठगी गर्ने एक व्यक्ति पक्राउ परेका छन् । कामदार भिसामा क्यानडा पठाई राम्रो कम्पनीमा काम लगाइदिन्छु भनी सर्लाही लालबन्दीका ३० वर्षीय यमुना बस्नेतको १७ लाख ठगी गरेको आरोपमा २१ वर्षीय प्रजिन अधिकारीलाई प्रहरीले पक्राउ गरेको हो ।
काभ्रे जिल्लाको पाँचखाल घर भई हाल नयाँबानेश्वरमा अधिकारीले रकम लिई आलटाल गरी सम्पर्क विहीन भई भएको जाहेरीको आधारमा उनलाई महाशाखाको विशेष टोलीले बिहीवार गते काभ्रेबाट पक्राउ गरेको नेपाल प्रहरीले जनाएको छ।
साथै प्रजिन अधिकारीले विभिन्न व्यक्तिहरूलाई कामदार भिसामा क्यानडा लगायतका मुलुकमा पठाइदिन्छु भनी झुक्याई प्रलोभनमा पारी करिब एक करोड पचास लाख रुपैयाँ भन्दा बढी रकम ठगी गरेको समेत भन्ने बुझिन आएको प्रहरीले जनाएको छ । उनलाई अनुसन्धानको लागि महानगरीय प्रहरी परिसर, काठमाडौँ पठाइएको छ ।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
