काठमाडौं । नेपाली कांग्रेसको पदाधिकारी बैठक आज पनि बस्दैछ।
आज दिउँसो २ बजे पार्टी सभापति शेरबहादुर देउवको निवास धुम्बाराहीमा बैठक बस्न लागेको एक पदाधिकारीले जानकारी दिए।
पार्टीको विभाग र भ्रातृ संगठनलाई पूर्णता दिने विषयमा छलफल गर्न बैठक बोलाइएको उनले बताए।
आजको बैठकमा पूर्वपदाधिकारीलाई पनि बोलाइएको छ।
यसअघि हिजो साँझ पनि बैठक बसेको थियो।
हिजोको बैठकमा भुटानी शरणार्थी प्रकरणमा पक्राउ परेका पूर्वप्रधानमन्त्रीसमेत रहेका पार्टीका केन्द्रीय सदस्य बालकृष्ण खाणबारे छलफल भएको थियो।
बैठकमा खाणलाई निलम्वन गर्नेबारे महामन्त्रीद्वय गगन थापा र विश्वप्रकाश शर्माले राखेको प्रस्तावमा छलफल भएपनि निर्णय भने भएन।
अहिले आरोप पुष्टि नभइसकेको र खाणले प्रहरी अनुसन्धानमा सघाइरहेका कारण उनलाई तत्काल निलम्वन गर्न आवश्यक नरहेको पार्टीका प्रवक्ता प्रकाशशरण महतले बताएका थिए।
खाणबारे बुधबार नै छलफल भइसकेका कारण आज पार्टीको आन्तरिक संगठन र विभागलाई पूर्णता दिनेबारेमा छलफल केन्द्रीत हुने ती पदाधिकारीले जानकारी दिए।
.gif)
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586, +977-9857057732
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
सम्पादक : विष्णु प्रसाद पोखरेल
कार्यकारी सम्पादक : पूर्णप्रसाद पौडेल (पवन पौडेल)
Copyright © All right reserved to setomasi.com
Site By: SobizTrend Technology
