देवदहमा शिव साधना हुने, देवदह-सुनवल सम्पर्क कार्यालय उद्घाटन

सेतोमसी सहकर्मी

देवदहमा शिव साधना हुने, देवदह-सुनवल सम्पर्क कार्यालय उद्घाटन

अ +
अ
अ -

नविन लुइँटेल, देवदह । रुपन्देहीको देवदहमा शिव साधना हुने भएको छ। मदन बाबा भक्ती केन्द्रद्वारा १०औं शिव साधना गर्नको लागि खैरेनीमा सम्पर्क कार्यालय समेत उद्घाटन भएको छ । जसलाई देवदह-सुनवल सम्पर्क कार्यालय भनिएको छ।

बुधबार एक कार्यक्रमबीच देवदह नगरपालिका प्रमुख धुर्व प्रसाद खरेलले कार्यालयको उद्घाटन गरेका हुन । कार्यक्रममा बोल्दै मेयर खरेलले देवदह एक सांस्कृतिक र ऐतिहासिक नगरपालिका भएको कारण देवदहको पहिचान तथा आम नागरिकलाइ शान्ति, समृद्धि र अनुशासित गराउन शिव साधनाले भूमिका खेल्ने बताए।

बैशाख १६ देखि २१ सम्म हुने शिव साधनाको लागि दुर्गा प्रसाद बस्यालको अध्यक्षतामा २५ सदस्यीय कार्य समिती र १५ सदस्यीय सल्लाहकार समिती निर्माण भएको जनाईएको छ ।

देवदह नगरपालिकाका प्रवक्ता एवं वडा नं ५ का अध्यक्ष गणेश डुम्रे ,नेपाली काङ्ग्रेसका जिल्ला सहसचिब वासु देव रिमाल लगायतको विशेष उपस्थितिमा सम्पन्न कार्यक्रममा शिव साधना देवदह-सुनवल सम्पर्क कार्यालयका अध्यक्ष दुर्गा प्रसाद बस्यालको अध्यक्षतामा तथा वरिष्ठ उपाध्यक्ष गोपाल ढकालको स्वागत मन्तव्यमा रहेको थियो।