काठमाडौं । धादिङबेसीमा केन्द्रीय कार्यालय रहेको नेशनल माइक्रोफाइनान्स लघुवित्त नेप्सेको कारबाहीमा परेको छ । सेयर मूल्यमा प्रभाव पार्नेगरी कम्पनीले गतिविधि गरेको भन्दै नेप्सेले माइक्रोफाइनान्समाथि कारबाही गरेको हो ।
नेपाल स्टक एक्सचेञ्ज (नेप्से) ले कम्पनीको सेयर कारोबार रोक्का गरेको छ । माइक्रोफाइनान्सले सोमबार संचालक समितिको बैठक राखी प्रस्ताव गरेको गत आर्थिक वर्षको लाभांशको व्यहोरापत्र सोही दिन नै नेप्सेमा पठाएको थियो । तथापि, कारोबार समयमा नै पत्र पठाइएपछि नेप्सेले कम्पनीमाथि कारबाही गरेको हो ।
नेप्सेमा सूचीकृत संगठित संस्थाले धितोपत्र सूचीकरण नियमावली २०७५ को विनियम २२(१) मा भएको व्यवस्था अनुसार मूल्यमा प्रभाव पार्ने सूचना, जानकारी तथा निर्णय भएमा सोही दिन वा भोलिपल्ट कारोबार खुल्नु अघि नेप्सेमा पेस गर्नुपर्ने व्यवस्था छ । तर, माइक्रोफाइनान्सले कारोबार चलिरहेकै समयमा पत्र पठाएकाले विनियमावली अनुसार कारबाही गरिएको नेप्सेले जनाएको छ ।
पत्र प्राप्त भएको तीन दिनभित्र के कारणले समयमा नै जानकारी उपलब्ध गराउन नसकिएको हो, सो समेत खुलाउन नेप्सेले कम्पनीसँग स्पष्टीकरण सोधेको छ ।
सेतोमसी मिडिया नेटवर्क प्रा. लि.
देवदह-७, रुपन्देही, लुम्बिनी प्रदेश, नेपाल
फोन नं. : +977-71-577088
मोबाइल नं. : +977-9857029586
+977-9857057732
+9779857056296
इ-मेल : setomasimedia@gmail.com
सूचना तथा प्रसारण विभाग दर्ता नं : २२४८/०७७-७८
प्रधान सम्पादक : विष्णु प्रसाद पोखरेल
प्रबन्ध सम्पादक : पूर्णप्रसाद पौडेल (पवन पौडेल)
सम्पादक : टक बहादुर सुनार (टंक सुनार)
Copyright © All right reserved to setomasi.com
Site By: SobizTrend Technology
.gif)